SG – Zgjimi në “Romë”, 2019

ZGJIMI NË “ROMË”
S. Guraziu

(aluzion rreth “zgjimit” të Maya Angelou në New York… si “thashetheme e luftës, si gënjeshtër e shtriqur, e shpërfillur”…)

Historia e ëndrrës insiston:
obelisku i Vatikanit ishte ereksion…
i “huazuar” i Kaligula-perandorit,
(nga perëndia Min), anise
Kleopatra e demanton,
ajo gjithçka e sfidon, vetë
ëndrrat i torturon – gjilpëra
i takonte vetëm Mark Antonit,
assesi Kapsamun-faraonit!

Pseudo-kronikat thonë:
pa e shtyrë kush, obelisku
vetë vendosi të dyndej – do
zvarritej dunave, do përvëlohej
nga dielli, herëdokur
do ta kapte qiellin, monolit
krenar do ngulitej në qendër
të Shën Pjetrit – aty do t’rilindej,
do ta shqyente cipën
e injorancës, arrogancën
e Kleopatrës, do dilte
n’dritë si një dino-foshnje,
vërtet qe zgjuar… vetë Papa
e pati bekuar, por sa turp –
i zgjuar në Romë, e Kleopatra
ende e njëjta, fjalëshumë,
fjalë pa fund, si “gënjeshtër
e shtriqur” nga Londra
në Nju Jork – ende askund.

[ fotot: aktorja italiane, ylli ndërkombëtar i filmit dhe i bukurisë, Monica Bellucci, si “Kleopatra”, në Asterix et Obelix, 2002 ]

Aktorja italiane Monica Bellucci, si “Kleopatra”, në Asterix et Obelix, 2002

segura