{"id":10443,"date":"2022-08-01T10:26:56","date_gmt":"2022-08-01T09:26:56","guid":{"rendered":"https:\/\/letrat.eu\/?p=10443"},"modified":"2024-09-01T19:26:02","modified_gmt":"2024-09-01T18:26:02","slug":"10443","status":"publish","type":"post","link":"https:\/\/letrat.eu\/?p=10443","title":{"rendered":"Jonathon Bowser – Isis – F\u00ebmija i Tok\u00ebs dhe Qiellit, 1995"},"content":{"rendered":"

[ nga “Mysteries of Lotus Maiden”, J. E. Bowser, 2017 – p\u00ebrgatiti S. Guraziu, Q 2019<\/em> ]<\/p>\n

…piktori kanadez Jonathon Bowser, p\u00ebrve\u00e7 pikturimit t\u00eb per\u00ebndeshave mitologjike (pothuaj m\u00eb bukur se askush), po ashtu dhe me shkrimet, thuase me nj\u00eb “nerv” mjaft t\u00eb qet\u00eb letraristik, vet\u00eb na i sqaron t\u00eb gjitha “ingredientet” e frym\u00ebzimit t\u00eb vet – n\u00eb eset\u00eb (lidhur me pikturat p\u00ebrkat\u00ebse) na flet p\u00ebr \u00e7far\u00eb flasin pikturat, psh. rreth nd\u00ebrlidhjes s\u00eb mitologjis\u00eb, religjionit, shkenc\u00ebs, na sqaron si jan\u00eb kaptuar figurativisht misteret e bot\u00ebs a t\u00eb kozmosit, na sqaron rreth elementeve mistike, rreth miteve moderne e t\u00eb lashta, rreth bukuris\u00eb natyrale, rreth sfidave t\u00eb shoq\u00ebris\u00eb, rreth ngarendjes industriale, rreth p\u00ebr\u00e7apjes shkencore e filozofike t\u00eb njer\u00ebzimit etj etj…<\/p>\n

…\u00e7’\u00ebsht\u00eb e v\u00ebrteta, jo dhe aq shum\u00eb piktor\u00eb na i sqarojn\u00eb dimensionet e fshehura filozofike t\u00eb pikturave, ndoshta sepse shpesh s’ka di\u00e7 “filozofike” brenda, si shembull (dmth. meq\u00eb ra fjala) mund ta v\u00eb dor\u00ebn n\u00eb zjarr se portretet “hund-shtremb\u00ebr” t\u00eb Zhaklin\u00ebs s\u00eb Pikaso, apo ato portretet “qarala\u00e7e” t\u00eb Dora Maar, s’kishin asnj\u00eb “mister” filozofik, s’besoj t’ket\u00eb fshehur gj\u00eb “brenda” pjatave e keramikave, i pati b\u00ebr\u00eb me qindra e qindra, sidomos dimrave furra e tij s’dinte t\u00eb ndalur, thuase industrialisht merrej me pjekjen e keramikave : )<\/p>\n

…ose ndoshta sepse shpesh s’\u00ebsht\u00eb nevoja p\u00ebr sqarime ekstra… brushat flasin nj\u00ebsoj sikur dhe germat, ose ndoshta sepse, derisa maestro me brushat, mjaft nga piktor\u00ebt ndodh\u00eb nuk ndjehen dhe aq maestral\u00eb me penat etj etj : )<\/p>\n

…sidoqoft\u00eb, si me brushat si me fjal\u00ebt, p\u00ebrmes seris\u00eb pikturale (ashqtuquajtur) “Mythic Naturalism”, Bowser trajton tema t\u00eb ndryshme nga arti, feminizmi, mitologjia, religjioni, kozmologjia, filozofia, shkenca… gjithmon\u00eb duke k\u00ebrkuar gjetjen e “q\u00ebllimit t\u00eb paduksh\u00ebm” t\u00eb bot\u00ebs, k\u00ebt\u00eb k\u00ebmb\u00ebngulje evolucionare-universale piktori ka zgjedhur ta p\u00ebrfaq\u00ebsoj\u00eb si nj\u00eb “femina” enigmatike, po aq dhe magjeps\u00ebse, veshur me pamjen dhe proceset e natyr\u00ebs (di\u00e7 si mantel, a si fustan natyral), Bowser thot\u00eb se n\u00eb pikturat e tij mitike-naturaliste, kjo prani misterioze “feministike” \u00ebsht\u00eb p\u00ebrher\u00eb boshti rreth t\u00eb cilit rrotullohet poezia dinamike e dizajnit\u2026<\/p>\n

\"\"<\/a><\/p>\n

***
\n[ “Isis – F\u00ebmija i Tok\u00ebs dhe Qiellit”, 1995<\/strong> ]
\nN\u00eb fillim gjith\u00e7ka ishte err\u00ebsir\u00eb \u200b\u200bn\u00eb Nin, n\u00eb oqeanin zanafillor t\u00eb kaosit. Dhe do binte nj\u00eb zjarr i madh, emri i tij ishte Ra. Ky e krijoi Shu (Ajrin) dhe Tef-nut (Lag\u00ebshtin\u00eb); k\u00ebta do e krijonin Qiellin dhe Tok\u00ebn. Nut, per\u00ebndesha diafanoze e qiellit, dhe Geb, per\u00ebndia i patundur i tok\u00ebs, ndjenin joshje reciproke dhe d\u00ebshir\u00eb p\u00ebr nj\u00ebri-tjetrin, duke e ditur se me bashkimin e mitr\u00ebs eterike t\u00eb qiejve dhe far\u00ebs materiale t\u00eb tok\u00ebs, t\u00eb gjitha gj\u00ebrat ishin t\u00eb mundshme.<\/p>\n

Mir\u00ebpo Ra, sovrani i kozmosit, ishte ziliqar (dhe i frik\u00ebsuar) p\u00ebr potencialin e madh q\u00eb zot\u00ebronin Nut dhe Geb, andaj e ndaloi bashkimin e tyre. Nut dhe Geb nuk u bind\u00ebn, s\u00ebshpejti do bashkoheshin n\u00eb nj\u00eb p\u00ebrqafim t\u00eb shkurt\u00ebr por plot pasion. Kur Ra \u200b\u200bm\u00ebsoi p\u00ebr kund\u00ebrshtin\u00eb e tyre, e kaploi nj\u00eb zem\u00ebrim i madh. Sakaq e urdh\u00ebroi Shu (Ajrin) t\u00eb rrinte p\u00ebrjet\u00ebsisht si penges\u00eb mes tyre. Edhe sot e k\u00ebsaj dite, tok\u00ebn e vetmuar e p\u00ebrv\u00eblon d\u00ebshira p\u00ebr ta p\u00ebrqafuar qiellin e dashur.<\/p>\n

Sidoqoft\u00eb, Ra na qe vonuar, bashkimi i tyre i shkurt\u00ebr megjithat\u00eb do ishte i frytsh\u00ebm: Nut i lindi kat\u00ebr f\u00ebmij\u00eb – v\u00ebllez\u00ebrit Osiris dhe Set, si dhe motrat Isis dhe Neftis. K\u00ebta u b\u00ebn\u00eb kat\u00ebr hyjnit\u00eb kardinale dhe sovran\u00ebt e kozmosit. Nga t\u00eb kat\u00ebrtit, Isis, per\u00ebndesha e jet\u00ebs, heshturisht e posedon supremacin\u00eb. Ajo \u00ebsht\u00eb n\u00ebna e Shpirtit t\u00eb P\u00ebrjetsh\u00ebm t\u00eb Egjiptit.<\/p>\n

Isis \u00ebsht\u00eb Zonja e Kat\u00ebr Elementeve (arkaike): e dheut tok\u00ebsor dhe ujit, e er\u00ebs qiellore dhe zjarrit. Si p\u00eblhur\u00eb e gjall\u00eb e forcave themelore t\u00eb natyr\u00ebs, Isis \u00ebsht\u00eb n\u00ebna e t\u00eb gjitha gjallesave. \u00cbsht\u00eb magjia e saj transformuese q\u00eb e lidh pasivitetin e pakoh\u00eb dhe eterik (qiellin – mendjen), me aktivitetin dhe fiziken kalimtare (tok\u00ebn – trupin), lidhje kjo si mrekulli unike e jet\u00ebs dhe e rigjenerimit natyror.<\/p>\n

Isis i th\u00ebrret kockat e gurta t\u00eb Gebit (Tok\u00ebs), q\u00eb gjaku (Uji) i saj t\u00eb rrjedh\u00eb posht\u00eb p\u00ebr t’i ushqyer kat\u00ebr an\u00ebt e bot\u00ebs. Far\u00ebrat e tok\u00ebs lindin me frym\u00ebn e saj (Er\u00ebn), k\u00ebshtu mund ta gjejn\u00eb nj\u00eb sht\u00ebpi n\u00eb shkret\u00ebtir\u00eb, dhe n\u00eb k\u00ebt\u00eb m\u00ebnyr\u00eb t\u00eb sjellin shk\u00ebndij\u00ebn (Zjarrin) e jet\u00ebs s\u00eb re.<\/p>\n

Bota natyrore q\u00eb lul\u00ebzon, glob i vog\u00ebl (planeti yn\u00eb), i brisht\u00eb dhe i humbur n\u00eb mbeturinat e pafundme nd\u00ebryjore, \u00ebsht\u00eb si oaz n\u00eb shkret\u00ebtir\u00eb: \u00ebsht\u00eb jet\u00eb, shpres\u00eb, g\u00ebzim dhe bukuri… ku n\u00eb fakt s’do duhej t\u00eb kishte asgj\u00eb. Por energjit\u00eb elementare t\u00eb per\u00ebndesh\u00ebs e b\u00ebjn\u00eb at\u00eb si oaz\u00eb. Ritmi i stin\u00ebve “jet\u00eb-vdekje-jet\u00eb” \u00ebsht\u00eb fryma ritmike e per\u00ebndesh\u00ebs.<\/p>\n

Pran\u00eb gjoksit Isis mban simbolin e njohur si “Ankh”. Fjala p\u00ebrkthehet “jet\u00eb” ose “vitalitet”, por simboli \u00ebsht\u00eb gjithashtu nj\u00eb piktograf i njeriut (koka, krah\u00ebt, trupi). Isis q\u00eb p\u00ebrk\u00ebdhel but\u00ebsisht k\u00ebt\u00eb Ankh \u00ebsht\u00eb imazhi i n\u00ebn\u00ebs dhe i f\u00ebmij\u00ebs (njer\u00ebzit jan\u00eb f\u00ebmij\u00ebt e saj). Si t\u00eb gjitha n\u00ebnat, lufton p\u00ebr t’i mbrojtur f\u00ebmij\u00ebt e vet – anise s’ia del, teksa f\u00ebmij\u00ebt rriten dhe bredhin larg mbrojtjes s\u00eb but\u00eb t\u00eb N\u00ebn\u00ebs, ata p\u00ebrfundimisht dhe mund t’vuajn\u00eb.<\/p>\n

Si t\u00eb gjitha n\u00ebnat, edhe Isis e vuan dhimbjen e f\u00ebmij\u00ebve t\u00eb saj, ajo vuan n\u00eb pafuqin\u00eb p\u00ebr ta parandaluar dhimbjen e tyre. Por nj\u00eb dhimbshuri e thell\u00eb ushqyese \u00ebsht\u00eb gjithashtu p\u00ebrb\u00ebr\u00ebse e forc\u00ebs jet\u00ebsore q\u00eb Ajo i ofron bot\u00ebs. N\u00ebn\u00eb-per\u00ebndesha na th\u00ebrret n\u00eb qendr\u00ebn mistike, nj\u00eb vend i shenjt\u00eb dhe i qet\u00eb transformimi, ku shpirti i lodhur ringjallet nga dashamir\u00ebsia e saj jet\u00ebdh\u00ebn\u00ebse. M\u00ebshira e pafundme e bukuris\u00eb s\u00eb saj, e shfaqur n\u00eb lavdit\u00eb e natyr\u00ebs, \u00ebsht\u00eb nj\u00eb premtim se dhimbja dhe vuajtja e madhe e jet\u00ebs – po aq t\u00eb natyrshme dhe t\u00eb pashmangshme sa graviteti – jan\u00eb p\u00ebr nj\u00eb q\u00ebllim t\u00eb madh dhe fisnik.<\/p>\n

N\u00eb k\u00ebt\u00eb thertore (bota jon\u00eb) t\u00eb kobshme t\u00eb mjerimit dhe t\u00eb vdekjes ka nj\u00eb pushim: per\u00ebndesha gjithmon\u00eb i sh\u00ebron plag\u00ebt tona, plot\u00ebson forc\u00ebn dhe vendosm\u00ebrin\u00eb ton\u00eb, na i mbush zemrat me dashuri p\u00ebr f\u00ebmij\u00ebt tan\u00eb dhe na frym\u00ebzon t\u00eb q\u00ebndrojm\u00eb kund\u00ebr tmerreve t\u00eb m\u00ebdha q\u00eb ndonj\u00ebher\u00eb shp\u00ebrthejn\u00eb nga thell\u00ebsit\u00eb e kaosit. Ashtu si\u00e7 feminiteti fizik sjell n\u00eb drit\u00eb jet\u00ebn fizike, edhe feminiteti shpirt\u00ebror sjell jet\u00ebn shpirt\u00ebrore. \u00cbsht\u00eb p\u00ebrmes k\u00ebtij aspekti t\u00eb per\u00ebndesh\u00ebs q\u00eb ne rilindim: jo thjesht qenie fizike, por disi dhe shpirt\u00ebrore.<\/p>\n

Kur dikush ka m\u00ebsuar t\u00eb rezonoj\u00eb n\u00eb linj\u00eb me k\u00ebt\u00eb aspekt, dhe k\u00ebshtu t’i unifikoj\u00eb vibracionet hyjnore elementare t\u00eb tok\u00ebs dhe qiellit (dmth. ta bashkoj\u00eb arsyen e r\u00ebnd\u00eb me intuit\u00ebn delikate, par\u00ebsoren me racionalen, profanen me sublimen), at\u00ebher\u00eb ky dikush ftohet t\u00eb fluturoj\u00eb mbi krah\u00ebt e iluminizmit deri n\u00eb maj\u00ebn e nj\u00eb piramide t\u00eb madhe prej drite, mbi t\u00eb cil\u00ebn pret Krijuesi i kozmosit…<\/p>\n

[ ngjitur “Isis – F\u00ebmija i Tok\u00ebs dhe Qiellit”, 1995 – teksti nga “Mysteries of Lotus Maiden”, J. E. Bowser, 2017 – p\u00ebrgatiti S. Guraziu, Q 2019<\/em> ]<\/p>\n","protected":false},"excerpt":{"rendered":"

[ nga “Mysteries of Lotus Maiden”, J. E. Bowser, 2017 – p\u00ebrgatiti S. Guraziu, Q 2019 ] …piktori kanadez Jonathon Bowser, p\u00ebrve\u00e7 pikturimit t\u00eb per\u00ebndeshave mitologjike (pothuaj m\u00eb bukur se askush), po ashtu dhe me shkrimet, thuase me nj\u00eb “nerv”… Lexo →<\/span><\/a><\/p>\n","protected":false},"author":1,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[13],"tags":[],"class_list":["post-10443","post","type-post","status-publish","format-standard","hentry","category-classic"],"_links":{"self":[{"href":"https:\/\/letrat.eu\/index.php?rest_route=\/wp\/v2\/posts\/10443","targetHints":{"allow":["GET"]}}],"collection":[{"href":"https:\/\/letrat.eu\/index.php?rest_route=\/wp\/v2\/posts"}],"about":[{"href":"https:\/\/letrat.eu\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/letrat.eu\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/letrat.eu\/index.php?rest_route=%2Fwp%2Fv2%2Fcomments&post=10443"}],"version-history":[{"count":0,"href":"https:\/\/letrat.eu\/index.php?rest_route=\/wp\/v2\/posts\/10443\/revisions"}],"wp:attachment":[{"href":"https:\/\/letrat.eu\/index.php?rest_route=%2Fwp%2Fv2%2Fmedia&parent=10443"}],"wp:term":[{"taxonomy":"category","embeddable":true,"href":"https:\/\/letrat.eu\/index.php?rest_route=%2Fwp%2Fv2%2Fcategories&post=10443"},{"taxonomy":"post_tag","embeddable":true,"href":"https:\/\/letrat.eu\/index.php?rest_route=%2Fwp%2Fv2%2Ftags&post=10443"}],"curies":[{"name":"wp","href":"https:\/\/api.w.org\/{rel}","templated":true}]}}