{"id":12205,"date":"2023-02-17T20:39:10","date_gmt":"2023-02-17T19:39:10","guid":{"rendered":"https:\/\/letrat.eu\/?p=12205"},"modified":"2024-04-09T05:21:39","modified_gmt":"2024-04-09T04:21:39","slug":"vrasja-e-paramenduar-e-1-zogu","status":"publish","type":"post","link":"https:\/\/letrat.eu\/?p=12205","title":{"rendered":"Vrasja e Paramenduar e 1 Zogu!"},"content":{"rendered":"

(sguraziu – ap, 4 janar 2013)<\/em><\/p>\n

[ ngjitur<\/em>: di\u00e7 si parodizim, kampanj\u00eb e “Wakker Dier” (Holand\u00eb), gjoja evolucioni i pul\u00ebs, pas miliona vitesh t\u00eb evoluimit dinosauresk m\u00eb n\u00eb fund do ta kishim pul\u00ebn e p\u00ebrkryer natyrale, 3000 vjet p.e.s. ishte “kulmi evolutiv” i pul\u00ebs \u00e7ubardhake Gallus Gallus Domestcus, tani me veset laboratorike e me metodat industriale evolucioni i pul\u00ebs \u00ebsht\u00eb nisur tatpjet\u00ebs, aq keq sa mos pyet, mozomokeq…<\/span> ]<\/p>\n

\"\"<\/a><\/p>\n

Para disa viteve, ndoshta para 6-7 viteve (anise s’jam i sigurt p\u00ebr sakt\u00ebsin\u00eb tani), n\u00eb mediat holandeze qe b\u00ebr\u00eb aq shum\u00eb buj\u00eb, me dit\u00eb t\u00eb t\u00ebra rresht, lidhur me vrasjen e “paramenduar” t\u00eb 1 zogu. Si duket, njeriu vet\u00eb nga natyra \u00ebsht\u00eb kontradiktor me vetveten, n\u00eb raport me natyr\u00ebn e tij, n\u00eb raport me “filozofit\u00eb” e veta, me pretendimet e veta.<\/p>\n

Gjat\u00eb nj\u00eb gare shtet\u00ebrore p\u00ebr Domino (e keni parasysh kur k\u00ebt\u00eb loj\u00eb f\u00ebmij\u00ebsh ta “komercializojn\u00eb dhe zyrtarizojn\u00eb” t\u00eb rriturit) n\u00eb sall\u00ebn e pafund ku garuesit i pask\u00ebshin renditur dominot, n\u00eb pritje p\u00ebr ta mahnitur bot\u00ebn me spektaklin e dit\u00ebs vendimtare, sa p\u00ebr sherr na pask\u00ebsh hyr\u00eb nj\u00eb zog. I ngrati zog, e pati humbur rrug\u00ebn. Dhe ja fundi i bot\u00ebs!<\/p>\n

Nj\u00eb rrahje e gabuar krah\u00ebsh mbi nj\u00eb hektar me mozaik\u00eb e xingla-minglash, varg\u00ebzuar aty plot figura t\u00eb laryshuara, nj\u00eb fluturim ul\u00ebt i zogut, nj\u00eb “teshtim\u00eb” e tij… dhe do ta \u00e7onte d\u00ebm mundin e nj\u00eb muaji, t\u00eb kushedi sa ekipeve garuese. Dihet, domino-efekti vetiu \u00ebsht\u00eb i pashmangsh\u00ebm, p\u00ebrndryshe s’do quhej ashtu – do merrte “hov” dhe ndoshta s’do ndalej derisa t\u00eb jet\u00eb rr\u00ebzuar dhe pllak\u00ebza e fundit.<\/p>\n

Nj\u00eb koh\u00eb t\u00eb gjat\u00eb qen\u00eb munduar njerezia ta trembnin, p\u00ebr t\u00eb ikur zogu jasht\u00eb nga dritaret lart, por pa sukses. Karamba-karambita! \u00c7’duhej b\u00ebr\u00eb tani, si ta mbronin “integritetin hap\u00ebsinor dhe ajror” nga hutimi i nj\u00eb zogu? Cilat forca kund\u00ebrajrore duhej angazhuar, cila do ishte strategjia e mbrojtjes?<\/p>\n

E vetmja zgjidhje, si\u00e7 u muar vesh, na pask\u00ebsh ngelur pushka ajrore. Sipas ekspert\u00ebve, gjith\u00e7ka \u00e7far\u00eb duhej t\u00eb kujdeseshin ishte: patjet\u00ebr duhej vet\u00ebm nj\u00eb e sht\u00ebn\u00eb, 1 e vetme, duhej angazhuar vet\u00ebm nj\u00eb shenj\u00ebtar-kampion i pagabuesh\u00ebm. P\u00ebrndryshe pun\u00ebt mund t\u00eb niseshin rrug\u00ebs s\u00eb pakthim, rrug\u00ebs s\u00eb d\u00ebshtimit t\u00eb kampionatit.
\nNga ana shkencore, duhej llogaritur madje dhe vet\u00eb hujet e gravitacionit, rrymat e ajrit, trajektorja e r\u00ebnies pasi ta vrisnin, sakt\u00ebsisht e me milimetra. Mund\u00ebsin\u00eb p\u00ebr d\u00ebshtime s’mund ta merrnin me mend, s’mund t’ia lejonin vetes luksin p\u00ebr 2 a m\u00eb shum\u00eb marrjesh n\u00eb shenj\u00eb.<\/p>\n

Dhe sikur kjo fatkeq\u00ebsi domino-ajrore t’mos ishte e mjaftueshme, sa hap e mbyll syt\u00eb t’na shk\u00eblqyen shpatat mediatike. As pa e kuptuar si e pse, t’na plasi sherri e lufta mediatike. Me qindra njer\u00ebz e dhjetra organizatash sakaq u gjenden n\u00eb luft\u00eb verbale e germatike lidhur me “etikat” rreth vrasjes s\u00eb 1 zogu. Debate, argumente, predikime, opinione, ide “shkencore”, replikime deri n\u00eb marramendje.<\/p>\n

Un\u00eb si nj\u00eb “outsider” goj\u00ebhapur, si nj\u00eb spektator “neutral” i kuptoja fort mir\u00eb mbrojt\u00ebsit e zogjve, t\u00eb shtaz\u00ebve dhe t\u00eb natyr\u00ebs, sikur secili n\u00eb rrafshin personal me pak fjal\u00eb ta shprehnin kund\u00ebrshtin\u00eb dhe solidarizimin me zogun. Por ama t’i p\u00ebrthekonin t\u00eb gjitha me dy-tri fjal\u00eb – p\u00ebr lirin\u00eb e natyrshme t\u00eb tij, p\u00ebr t\u00eb drejt\u00ebn e tij t\u00eb fluturimit, t\u00eb frymimit, p\u00ebr cic\u00ebrimat etj. etj. Me dy-tri fjal\u00eb si keqardhje, dhe kaq.<\/p>\n

Sipas meje at\u00ebbot\u00eb, do duhej t\u00eb merrte fund lufta sa m\u00eb par\u00eb. Dhe madje duhej t\u00eb turp\u00ebroheshim t\u00eb gjith\u00eb ne, varg e varg, pse jo dhe vet\u00eb un\u00eb si spektator, edhe gazetar\u00ebt me gjith\u00eb kureshtar\u00ebt, q\u00eb t\u00eb gjith\u00eb. Thjesht duhej ta mbyllnim nj\u00eb debat p\u00ebrmasash t\u00eb turpit.<\/p>\n

Si e shihja un\u00eb, dukej aq qesharake p\u00ebr njeriun e shek. XXI t\u00eb moralizoj\u00eb dhe t’i komercializoj\u00eb artificialitetet “eter-ike”, spektaklet moderne mediatike, p\u00ebr t\u00eb drejtat e 1 zogu. Derisa brenda 1 dite t\u00eb vetme n\u00eb Holand\u00eb 1 milion e 200.000 kafsh\u00eb nga m\u00eb t\u00eb ndryshmet nisen p\u00ebr n\u00eb therrtoret industriale. Pa e p\u00ebrmendur Gjermanin\u00eb 80-milion\u00ebshe dhe shtetet tjera t\u00eb m\u00ebdha, Franc\u00ebn, Italin\u00eb, Rusin\u00eb, ose m\u00eb thjesht gjith\u00eb Evropen, Ameriken… ose akoma m\u00eb shkurt, gjith\u00eb kontinentet dhe akullnentet e planetit.<\/p>\n

Kur i kujtoja k\u00ebto, nj\u00eb debat i till\u00eb “etik”, moralizimet p\u00ebr jet\u00ebn e 1 zogu dhe gjith\u00eb ajo buj\u00eb mediatike m\u00eb dukeshin absurditet! Nuk di n\u00ebse kisha t\u00eb drejt\u00eb, por s’dua t\u00eb vet\u00ebgjykohem tani.<\/p>\n

***
\nSot (6-7 vite m\u00eb von\u00eb), n\u00eb nj\u00eb kampanj\u00eb reklamatike t\u00eb fondacionit holandez p\u00ebr mbrojtjen e kafsh\u00ebve me emrin “Wakker Dier”, lexova si vijon (pasi m\u00eb lusnin p\u00ebr ndihm\u00eb me 3 ose 5 Euro modeste, sipas d\u00ebshir\u00ebs, nd\u00ebrsa nj\u00eb kafsh\u00eb e pik\u00eblluar ishte ilustruar n\u00eb reklam\u00ebn, z\u00ebn\u00eb ngusht n\u00eb di\u00e7 prej hekurash, si kafaz i shtall\u00ebs, posht\u00eb fotos shkruante):<\/p>\n

Kjo n\u00ebn\u00eb si\u00e7 e shihni rri e ngujuar mes shufrash hekuri. Ajo mund t\u00eb l\u00ebviz\u00eb vet\u00ebm nj\u00eb hap para dhe nj\u00eb hap anash. Nd\u00ebrkoh\u00eb duhet t\u00eb b\u00ebj\u00eb gjith\u00e7ka q\u00eb t’jet\u00eb sa m\u00eb “produktive”. Por a mundet si n\u00ebn\u00eb ajo t\u00eb ofroj\u00eb kujdesin e nj\u00eb n\u00ebne me dashurin\u00eb e natyrshme p\u00ebr t\u00eb vegjlit e vet?! Kjo q\u00eb shihni \u00ebsht\u00eb e p\u00ebrditshmja e jet\u00ebs s\u00eb nj\u00eb n\u00ebne, e nj\u00ebr\u00ebs nga kafsh\u00ebt m\u00eb inteligjente t\u00eb planetit!<\/p>\n

N\u00eb Holand\u00eb 12 milion\u00eb derra jetojn\u00eb mes hekurash, ngjeshur e hedhur mbi nj\u00ebri-tjetrin, pa e par\u00eb kurr\u00eb drit\u00ebn e diellit – sqaronte tutje reklama.<\/p>\n

Nd\u00ebrsa po, e si jo, duhet sa m\u00eb shum\u00eb spektakle filozofike-mediatike, sa m\u00eb shum\u00eb debate moralistike p\u00ebr tragjedin\u00eb e 1 zogu.<\/p>\n

Sipas kampanj\u00ebs “Wakker Dier” s’\u00ebsht\u00eb n\u00eb pyetje vet\u00ebm konsumimi dhe kushtet q\u00eb imponohen nga tregtar\u00ebt, por dhe kushtet, jeta dhe trajtimi i keq i vet\u00eb kafsh\u00ebve sa jan\u00eb gjall\u00eb. Pastaj eksperimentet laboratorike n\u00eb em\u00ebr t\u00eb rritjes s\u00eb produktivitetit dhe paras\u00eb (t\u00eb cilat eksperimente kurr\u00eb s’dalin n\u00eb sip\u00ebrfaqe). Natyrisht se kan\u00eb t\u00eb “drejt\u00eb” p\u00ebr fsheht\u00ebsin\u00eb, t\u00eb tilla avancime duhet mbajtur prapa kulisave, q\u00ebkur flitet p\u00ebr miliarda. P\u00ebr mbrojtjen e investimeve dhe t\u00eb projekteve shpesh investohet dhe n\u00eb “blerjen e tabu-ve”, n\u00eb krijimin artificial t\u00eb tyre. Mbase n\u00eb bot\u00ebn moderne industriale mund t\u00eb blihet dhe “heshtja mediatike”, gjith\u00e7ka.<\/p>\n

N\u00ebse n\u00eb zemr\u00ebn e shoq\u00ebrive m\u00eb t\u00eb avancuara t\u00eb bot\u00ebs, sot industrialisht me shifra milion\u00ebshe mund ta prodhojm\u00eb “jet\u00eb-vrasjen” e kafsh\u00ebve (mbase p\u00ebr t’i patur filozofit\u00eb m\u00eb t\u00eb “mprehta” gjat\u00eb mbushjes s\u00eb xhepave, dhe sepse defacto, dhurat\u00eb nga Zoti, nga Natyra + nga Shkencat laboratorike), at\u00ebher\u00eb do lutem t\u00eb hyj\u00eb nj\u00eb zog n\u00eb dhom\u00ebn time, sepse dua ta vras.<\/p>\n

Le t’jet\u00eb hyrja e tij “gabim”, humbje e udh\u00ebs padashtas… aq m\u00eb b\u00ebn, dua ta vras me q\u00ebllim, me paramendim, p\u00ebr inat t\u00eb njeriut dhe t\u00eb filozofive t\u00eb tij. Uroj vet\u00ebm t’ia dal, uroj t’mos m\u00eb dridhet as dora as zemra. Uroj t’mos m\u00eb p\u00ebrzihet n\u00eb pun\u00ebt e brendshme nd\u00ebrgjegjia, Zoti, a ndokush tjet\u00ebr nga “Mbrojt\u00ebsit e Natyr\u00ebs”. Uroj t’ia dal, dua t’jem kontradiktor dhe un\u00eb!<\/p>\n

 <\/p>\n

 <\/p>\n","protected":false},"excerpt":{"rendered":"

(sguraziu – ap, 4 janar 2013) [ ngjitur: di\u00e7 si parodizim, kampanj\u00eb e “Wakker Dier” (Holand\u00eb), gjoja evolucioni i pul\u00ebs, pas miliona vitesh t\u00eb evoluimit dinosauresk m\u00eb n\u00eb fund do ta kishim pul\u00ebn e p\u00ebrkryer natyrale, 3000 vjet p.e.s. ishte… Lexo →<\/span><\/a><\/p>\n","protected":false},"author":1,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[10],"tags":[],"class_list":["post-12205","post","type-post","status-publish","format-standard","hentry","category-komente"],"_links":{"self":[{"href":"https:\/\/letrat.eu\/index.php?rest_route=\/wp\/v2\/posts\/12205","targetHints":{"allow":["GET"]}}],"collection":[{"href":"https:\/\/letrat.eu\/index.php?rest_route=\/wp\/v2\/posts"}],"about":[{"href":"https:\/\/letrat.eu\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/letrat.eu\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/letrat.eu\/index.php?rest_route=%2Fwp%2Fv2%2Fcomments&post=12205"}],"version-history":[{"count":0,"href":"https:\/\/letrat.eu\/index.php?rest_route=\/wp\/v2\/posts\/12205\/revisions"}],"wp:attachment":[{"href":"https:\/\/letrat.eu\/index.php?rest_route=%2Fwp%2Fv2%2Fmedia&parent=12205"}],"wp:term":[{"taxonomy":"category","embeddable":true,"href":"https:\/\/letrat.eu\/index.php?rest_route=%2Fwp%2Fv2%2Fcategories&post=12205"},{"taxonomy":"post_tag","embeddable":true,"href":"https:\/\/letrat.eu\/index.php?rest_route=%2Fwp%2Fv2%2Ftags&post=12205"}],"curies":[{"name":"wp","href":"https:\/\/api.w.org\/{rel}","templated":true}]}}