{"id":12240,"date":"2023-02-23T10:37:29","date_gmt":"2023-02-23T09:37:29","guid":{"rendered":"https:\/\/letrat.eu\/?p=12240"},"modified":"2024-04-09T05:03:03","modified_gmt":"2024-04-09T04:03:03","slug":"kryeministri-holandez-rutte-i-trembet-vetem-rames","status":"publish","type":"post","link":"https:\/\/letrat.eu\/?p=12240","title":{"rendered":"Kryeministri holandez Rutte i trembet vet\u00ebm Ram\u00ebs!"},"content":{"rendered":"

S. Guraziu – AP, Sh 2023 (Humor, referencat: Show-mbr\u00ebmje me A. Lubach (S3) – VPRO Holand\u00eb – 22 shkurt 2023)<\/em><\/p>\n

( …nga 69 krer\u00ebt e qeverive t\u00eb bot\u00ebs, vet\u00ebm 1-rit prej tyre Rutte ia ka frik\u00ebn, e ky \u00ebsht\u00eb Kryeministri shqiptar, Edi Rama. K\u00ebtij i trembet, sepse Rutte s’pati ditur me “diplomatikat”, pati th\u00ebn\u00eb Shqip\u00ebria \u00ebsht\u00eb e korruptuar, nga inati Rama e pati “k\u00ebrc\u00ebnuar me vrasje”, tani Rutte assesi s’guxon t’ia kthej\u00eb shpin\u00ebn<\/strong>… )<\/p>\n

***
\nMos vall\u00eb Kryeministrit Rutte t’i jet\u00eb m\u00ebrzitur Holanda! – shtireshin dje kureshtar\u00eb shakaxhinjt\u00eb Arjen Lubach dhe Tex de Wit.
\nPasi Rutte t\u00ebr\u00eb koh\u00ebn duke bredhur n\u00ebp\u00ebr bot\u00eb. Statistikat d\u00ebshmojn\u00eb se ai po “socializohet” me politikan\u00ebt e bot\u00ebs secil\u00ebn her\u00eb e m\u00eb shum\u00eb. N\u00ebse hiqen vitet e pandemis\u00eb, Rutte s’paska bredhur kurr\u00eb m\u00eb shum\u00eb sesa vitin e kaluar. E 2022-ta qenka “rekordi” i bredharakut.<\/p>\n

Pse kjo mani e bredhjes, pse ky intensitet vizitash! Mos vall\u00eb t’i jet\u00eb m\u00ebrzitur Holanda, mos vall\u00eb t’jet\u00eb lodhur nga debatet “bajate” t\u00eb parlamentit!<\/p>\n

Sipas Lubach, ndoshta v\u00ebrtet mund t’i jet\u00eb m\u00ebrzitur Holanda. Natyrisht, kur i b\u00ebn 12 vjet si Kryeminist\u00ebr dhe m\u00ebrzitet njeriu. Rutte qenka takuar me krer\u00ebt e qeverive t\u00eb 69 vendeve, t\u00eb pakt\u00ebn nga 1 her\u00eb, sy m\u00eb sy. Rutte i paska realizuar 194 takime “politike”. Paska ikur jasht\u00eb vendit 129 her\u00eb, nd\u00ebrsa krer\u00ebt e huaj e paskan vizituar n\u00eb “sht\u00ebpi” 65 her\u00eb. Dhe kjo duke i l\u00ebn\u00eb anash shum\u00eb gj\u00ebra, pa i llogaritur psh. samitet e BE, samitet e NATO, samitet e OKB etj etj. plot k\u00ebso “tjerash”.<\/p>\n

Me shumic\u00ebn… vet\u00ebm nga 1 takim, me ndonj\u00ebrin politikan takuar dhe m\u00eb shum\u00eb her\u00eb. Nr. 1 e mbajka Angela Merkel, me 13 takime. Takimi i tyre i par\u00eb (n\u00eb v. 2010) paska qen\u00eb madje “diplomaci n\u00eb shikim t\u00eb par\u00eb”. Sepse Rutte e paska falur puthjen e par\u00eb. Gjat\u00eb viteve Rutte qenka marr\u00eb me dor\u00ebshtr\u00ebngimin 188 her\u00eb, por i paska falur vet\u00ebm 6 puthje. T\u00eb gjitha puthjet i qenkan falur znj. Merkel. E qart\u00eb se puthjet ishin ekskluzive, 13 takime me fqinjen ama vet\u00ebm 6 puthje, i bie se 7 herat e tjera do jet\u00eb “turp\u00ebruar”, o refuzuar.
\nNr. 2 i takuaka Macronit, me 11 takime. Nd\u00ebrsa me 5 takime, Putinit i takuaka Nr. 3. Kuptohet atij ‘t\u00eb vjetrit, sa ishte i mir\u00eb’, jo k\u00ebtij sherraxhiut, luft\u00ebnxit\u00ebsit, Putinit aktual asnj\u00eb takim.<\/p>\n

***
\nSidoqoft\u00eb, nj\u00eb detaj nga humori i djesh\u00ebm m’u duk “m\u00eb interesanti”, sepse kishte t’b\u00ebnte me shqiptar\u00ebt. M\u00ebsova se nga 69 krer\u00ebt e qeverive t\u00eb bot\u00ebs (me t\u00eb cil\u00ebt \u00ebsht\u00eb takuar), vet\u00ebm 1-rit prej tyre Rutte ia paska frik\u00ebn, e ky qenka Kryeministri shqiptar, Edi Rama. Do provoj tani sadopak nj\u00eb p\u00ebrafrim kontekstual me shakaxhinjt\u00eb de Wit dhe Lubach.<\/p>\n

Ram\u00ebs i trembet, sepse Rutte s’pati ditur me “diplomatikat”. Pati th\u00ebn\u00eb Shqip\u00ebria \u00ebsht\u00eb e korruptuar. Mbase do mendoni: e \u00e7far\u00eb pastaj, gjithkush mund ta p\u00ebrmend korrupsionin, pse t’mos thuhet e v\u00ebrteta. Epo, dhe mund ta thuash, pse jo, ama jo vet\u00eb Kryeministrit n\u00eb surrat. Sepse Rama s’\u00ebsht\u00eb nj\u00eb liliput si Putini, as zhaglaman si Macroni. Shih, n\u00eb t\u00eb djatht\u00eb e ke Ram\u00ebn, ai djalo-vogli n\u00eb t\u00eb majt\u00eb \u00ebsht\u00eb Macroni. Pa shihe Ramen, nj\u00eb arushan alamet, s’\u00ebsht\u00eb aso arushi kalamjsh, ta p\u00ebrg\u00ebdhel\u00ebsh e qimebut\u00eb.<\/p>\n

Si kund\u00ebrp\u00ebrgjigje rreth akuz\u00ebs p\u00ebr korrupsionin, gjoja si shaka “k\u00ebrc\u00ebnuese”, Rama i pati th\u00ebn\u00eb \u201cdo duhej t\u00eb t\u00eb vrisja (n\u00eb fakt)\u201d, mbase shaka do ket\u00eb qen\u00eb. Dhe sipas Ram\u00ebs t\u00eb gjith\u00eb pat\u00ebn qeshur, p\u00ebrve\u00e7 vet\u00eb Kryeministrit Rutte. Zakonisht ndodh\u00eb e kund\u00ebrta, apo jo, t\u00eb gjith\u00eb ngelin ose heshtin, vet\u00ebm i k\u00ebrc\u00ebnuari ia kris s\u00eb qeshur\u00ebs.<\/p>\n

Dhe pastaj, ca koh\u00eb m\u00eb von\u00eb, n\u00eb t’nj\u00ebjt\u00ebn koh\u00eb Rutte dhe Rama do arrinin n\u00eb nj\u00eb samit t\u00eb BE. Sa p\u00ebr sy t\u00eb bot\u00ebs shtireshin miq, me ombrellat e duke llafosur, ama njer\u00ebzia e vun\u00eb re se Rutte s’guxonte asnj\u00eb hap para Ram\u00ebs. Sepse kishte frik\u00eb Rama do ta sulmonte nga pas. Pak kujt ia mban, s’lihet pas shpine nj\u00eb arushan. Gjoja si mir\u00ebsjellje, sa p\u00ebr sy e faqe gjoja respekt burr\u00ebror, i jepnin p\u00ebrpar\u00ebsi nj\u00ebri-tjetrit, “pas teje”, “jo, ti para meje”… ama videoja e d\u00ebshmon qart\u00eb, Ram\u00ebs ia kishte frik\u00ebn.<\/p>\n