{"id":12822,"date":"2023-04-30T16:25:46","date_gmt":"2023-04-30T15:25:46","guid":{"rendered":"https:\/\/letrat.eu\/?p=12822"},"modified":"2025-07-25T05:19:47","modified_gmt":"2025-07-25T04:19:47","slug":"muzeu-i-se-ardhmes-museum-of-the-future-dubai-eba","status":"publish","type":"post","link":"https:\/\/letrat.eu\/?p=12822","title":{"rendered":"Muzeu i s\u00eb Ardhmes (Museum of the Future), Dubai, EBA"},"content":{"rendered":"

(s.guraziu – ars poetica, pr 23)<\/em><\/p>\n

“Paraardh\u00ebsit i mbjellin pem\u00ebt, pasardh\u00ebsit e g\u00ebzojn\u00eb hijen<\/strong>“.<\/p>\n

\"\"<\/a><\/p>\n

Vitin e kaluar (Shkurt 2022) qe inauguruar Muzeu i s\u00eb Ardhmes n\u00eb Dubai (Emiratet e Bashkuara Arabe). Sipas t\u00eb dh\u00ebnave nga faqja zyrtare, \u201ckodra e gjelb\u00ebr\u201d e p\u00ebrfaq\u00ebson tok\u00ebn (n\u00eb fakt \u00ebsht\u00eb bazament prej 3-katesh), nd\u00ebrtesa n\u00eb form\u00ebn e torusit e p\u00ebrfaq\u00ebson aft\u00ebsin\u00eb e njer\u00ebzimit p\u00ebr inovacione, zbrazt\u00ebsia n\u00eb qend\u00ebr t\u00eb struktur\u00ebs e p\u00ebrfaq\u00ebson t\u00eb panjohur\u00ebn. Qe projektuar nga arkitekt\u00ebt Killa Design dhe Buro Happold, muzeu \u00ebsht\u00eb 77 m i lart\u00eb, i ka 5 kate ekspozuese, dhe ka nj\u00eb sip\u00ebrfaqe t\u00eb p\u00ebrgjithshme prej 30.548 m2.<\/p>\n

Fasada e nd\u00ebrtes\u00ebs s\u00eb famshme \u00ebsht\u00eb e \u201cgdhendur\u201d me citate n\u00eb form\u00ebn e kaligrafis\u00eb arabe, jan\u00eb p\u00ebrdorur tri th\u00ebnie t\u00eb sheikut, M.T. Mohammed bin Rashid Al Maktoum (N\u00ebn-President dhe Kryeminist\u00ebr i EBA).
\n1 – “E ardhmja u p\u00ebrket atyre q\u00eb mund ta imagjinojn\u00eb, ta dizajnojn\u00eb dhe ta ekzekutojn\u00eb. Nuk \u00ebsht\u00eb di\u00e7 q\u00eb e prisni, por q\u00eb e krijoni<\/strong>“.
\n2 – “Sekreti i rinovimit p\u00ebr korporatat, p\u00ebr evoluimin e qytet\u00ebrimeve dhe p\u00ebr zhvillimin e njer\u00ebzimit \u00ebsht\u00eb i thjesht\u00eb: inovacioni<\/strong>”
\n3 – “Ne s\u2019mund t\u00eb jetojm\u00eb p\u00ebr qindra vjet, por ato q\u00eb krijojm\u00eb mund t\u2019mbesin trash\u00ebgimi p\u00ebr shum\u00eb koh\u00eb pasi t’jemi larguar<\/strong>”<\/p>\n

Investim i madh, patjet\u00ebr se nd\u00ebrtes\u00eb unike, muze spektakolar, nj\u00eb vit vizitash, dhe sipas vizitor\u00ebve vet\u00ebm ana arkitekturale \u00ebsht\u00eb impresive. Vizita ia vlen sa p\u00ebr ta par\u00eb nd\u00ebrtes\u00ebn, dmth. nj\u00eb vizit\u00eb dhe aq. N\u00eb faqet e “trip advisor” pjesa m\u00eb e madhe e vizitor\u00ebve pothuaj e kan\u00eb etiketuar “muze p\u00ebr f\u00ebmij\u00ebt”, do ta sugjeronin vet\u00ebm p\u00ebr f\u00ebmij\u00ebt dhe adoleshent\u00ebt.<\/p>\n

Objektin e bukur, t\u00eb shtrenjt\u00eb dhe mjaft kompleks si dizajn, zyrtar\u00ebt e muzeut e quajn\u00eb “Nd\u00ebrtesa m\u00eb e Bukur n\u00eb Tok\u00eb”. Nga aspekti arkitektural padyshim se kan\u00eb t\u00eb drejt\u00eb, tekefundit \u00ebsht\u00eb nd\u00ebrtes\u00eb aq ikonike. Sa p\u00ebr misionin “muzeal” thuhet se muzeu e eksploron potencialin dhe mund\u00ebsit\u00eb e njer\u00ebzimit p\u00ebr t\u00eb ardhmen.<\/p>\n

Sidoqoft\u00eb (meq\u00eb vet\u00eb s’e kam vizituar) n\u00eb “Trip Advisor – Attraction Review”, pothuaj t\u00eb gjitha komentet thoshin se nd\u00ebrtesa e bukur… por aq, t\u00eb tjerat thjesht hiper-zhurm\u00eb mediatike, buj\u00eb reklamatike! N\u00ebse 100 komente do b\u00ebnin 100%, at\u00ebher\u00eb 80 a 90% prej tyre ishin aso komente “zhg\u00ebnjimi”.<\/p>\n

[ ngjitur disa kartolina rreth “Museum of the Future”, dhe si shtojc\u00eb di\u00e7 si “shoshitje” e pak\u00ebnaq\u00ebsis\u00eb rreth an\u00ebs p\u00ebrmbajt\u00ebsore t\u00eb muzeut – filt\u00ebruar nga disa komente t\u00eb vizitor\u00ebve n\u00eb faqet e “Trip Advisor”<\/em> ]<\/p>\n