{"id":17059,"date":"2025-03-18T18:24:10","date_gmt":"2025-03-18T17:24:10","guid":{"rendered":"https:\/\/letrat.eu\/?p=17059"},"modified":"2025-03-24T13:45:20","modified_gmt":"2025-03-24T12:45:20","slug":"alma-tadema-trendafilat-e-heliogabalusit-1888","status":"publish","type":"post","link":"https:\/\/letrat.eu\/?p=17059","title":{"rendered":"Alma-Tadema – Tr\u00ebndafilat e Heliogabalusit, 1888"},"content":{"rendered":"

(S. Guraziu – Ars Poetica, Mars 2025)<\/em><\/p>\n

Zor t’ket\u00eb vrasje m\u00eb t\u00eb “but\u00eb”, m\u00eb t\u00eb parfumosur sesa me petale lulesh. Dhe padyshim lulet jan\u00eb di\u00e7 si dhurat\u00eb hyjnore – ashtu ia themi, sikur ashtu besojm\u00eb. N\u00ebse dashuria “dhurat\u00eb hyjnore”, at\u00ebher\u00eb pse t’mos jen\u00eb dhe lulet, sikur ashtu e angazhojm\u00eb logjik\u00ebn : ) Tekefundit mitologjia na thot\u00eb se lulet qen\u00eb zbutur e zbukuruar fal\u00eb poetit t\u00eb lasht\u00eb, Orfeut. Fal\u00eb Orfeut lulet qen\u00eb pajisur me aromat, me ngjyr\u00ebsin\u00eb, me bukurin\u00eb, me laryshin\u00eb, me \u00ebmb\u00eblsin\u00eb\u2026 fal\u00eb z\u00ebrit t\u00eb \u00ebmb\u00ebl t\u00eb tij. <\/p>\n

\"\"<\/a><\/p>\n

Sipas mitologjis\u00eb Orfeut ia kemi borxh shum\u00e7ka – me ta d\u00ebgjuar k\u00ebng\u00ebtimin e tij elegjiak, pothuaj gjith\u00e7ka e flor\u00ebs dhe faun\u00ebs qe zbutur at\u00ebbot\u00eb. Elegjit\u00eb e tij (me rastin e vdekjes s\u00eb t\u00eb dashur\u00ebs, gruas Euridika) ishin tep\u00ebr drith\u00ebruese, gjith\u00e7ka e gjall\u00eb qe zbutur, e edhe lulet qen\u00eb b\u00ebr\u00eb lule, qen\u00eb b\u00ebr\u00eb mrekullia vet\u00eb… k\u00ebto lulet q\u00eb na mahnisin.<\/p>\n

Mir\u00ebpo imagjino t\u00eb t\u00eb vrasin me lule, t\u00eb t\u00eb ngulfasin, t\u00eb ta z\u00ebn\u00eb frym\u00ebn me petalet e tr\u00ebndafilave… dhe at\u00eb pasi t’kan\u00eb ftuar n\u00eb fest\u00ebn m\u00eb marramend\u00ebse q\u00eb ke p\u00ebrjetuar n\u00eb jet\u00ebn t\u00ebnde, pasi t’i kesh ngopur me epshe e me qejfe, pasi t’jesh k\u00ebnaqur deri n\u00eb limit.
\nJasht\u00ebzakonisht ide “origjinale” dhe vrastare, vrasje m\u00eb t\u00eb “but\u00eb” dhe m\u00eb t\u00eb parfumosur sesa me petale lulesh, thjesht s’do kujtohej kush ashtu, p\u00ebrve\u00e7 perandor\u00ebve t\u00eb Rom\u00ebs. Dhe at\u00eb ndoshta jo t\u00eb gjith\u00eb, s’duhet harruar as ky “detaj”, bie fjala Nero s’do dinte ashtu, s’pati qen\u00eb origjinal me asgj\u00eb, s’qe kujtuar as Kaligula… askush, p\u00ebrve\u00e7 perandorit Heliogabalus : )<\/p>\n

N\u00eb piktur\u00ebn “Tr\u00ebndafilat e Heliogabalusit”, artisti britaniko-holandez Alma-Tadema e paraqet nj\u00ebrin nga momentet m\u00eb fam\u00ebkeqe n\u00eb jet\u00ebn e perandorit Heliogabalus. Sipas burimit origjinal, “Historia Augusta”, perandori Heliogabalus i pati p\u00ebrdorur manushaqet dhe lule t\u00eb tjera p\u00ebr t’i mbytur mysafir\u00ebt e vet. <\/p>\n

Mir\u00ebpo piktori Alma-Tadema i p\u00ebrdor tr\u00ebndafilat (si metod\u00eb vrastare t\u00eb perandorit) – sipas autorit James W. Singer, artisti donte t’ishte m\u00eb i p\u00ebraf\u00ebrt me sakt\u00ebsin\u00eb e koh\u00ebs viktoriane. Gjat\u00eb epok\u00ebs viktoriane t\u00eb von\u00eb, kur artisti Alma-Tadema e punoi k\u00ebt\u00eb piktur\u00eb, n\u00eb gjuh\u00ebn viktoriane t\u00eb luleve (t\u00eb njohur si floriografi), tr\u00ebndafilat e p\u00ebrfaq\u00ebsonin epshin dhe d\u00ebshir\u00ebn – thoshte autori Singer n\u00eb artikullin e vet, vitin e kaluar.<\/p>\n

N\u00eb “Historia Augusta” thuhet se perandori Heliogabalus i ftoi disa mysafir\u00eb t\u00eb caktuar n\u00eb pallatin e tij, n\u00eb nj\u00eb mbr\u00ebmje p\u00ebr t’marr\u00eb pjes\u00eb n\u00eb fest\u00ebn e organizuar. E q\u00eb dihet (n\u00ebnkuptohet) festat e tilla ishin evente festive me pije, dehje, orgji, shthurje (thjesht s’kishte frer\u00eb as frenime, ishin “mbr\u00ebmje” romake, mbr\u00ebmje me perandorin, mbr\u00ebmje t\u00eb shoq\u00ebris\u00eb s\u00eb lart\u00eb romake, as mizat s’guxonin zzzzz : )<\/p>\n

Pas disa or\u00ebsh duke pir\u00eb ver\u00eb t\u00eb r\u00ebnd\u00eb, t\u00eb dehur e t\u00eb p\u00ebrhumbur, t\u00eb shthurur duke i shk\u00ebmbyer dashuri\u00e7kat (partner\u00ebt seksual\u00eb), t\u00eb ftuarit do ishin t\u00eb rraskapitur, t\u00eb dehur, t\u00eb intoksikuar nga vera, p\u00ebr nj\u00eb koh\u00eb do festonin, do sh\u00ebtisnin andej-k\u00ebndej sall\u00ebs, dhe derisa ashtu t\u00eb p\u00ebrhumbur n\u00eb delirin e fest\u00ebs, n\u00eb nj\u00eb moment tavani sip\u00ebr tyre u hap dhe petalet e luleve filluan t\u00eb binin nga lart. N\u00eb fillim r\u00ebnia e but\u00eb e petaleve do ia shtonte bukurin\u00eb fest\u00ebs, af\u00ebrmendsh pamje magjeps\u00ebse, mbase dukej si \u00ebnd\u00ebrr, duke e parfumosur atmosfer\u00ebn me arom\u00eb lulesh.<\/p>\n

Aroma do i guduliste shqisat, fragranca do b\u00ebnte t\u00eb ndjeheshin thuase diku lart n\u00eb ret\u00eb dhe k\u00ebnaq\u00ebsia festive vet\u00ebm sa vinte duke u rritur. Problemi \u00ebsht\u00eb se r\u00ebnia e luleve s’dinte t\u00eb ndalur, t\u00eb ftuarit s’e dinin q\u00eb r\u00ebnia e petaleve s’do ndalej kurr\u00eb, petalet vazhdonin e vazhdonin, dhe shtresa mbi dysheme filloi t\u00eb lart\u00ebsohej, thuase synonte t\u00eb b\u00ebhej ndonj\u00eb qilim i trash\u00eb i per\u00ebndesh\u00ebs s\u00eb luleve, Klorisa (apo dhe Flora, le t’jen\u00eb t\u00eb dyja, edhe ajo e grek\u00ebve, edhe e romak\u00ebve : ) <\/p>\n

Fillimisht deri n\u00eb zogthin e k\u00ebmb\u00ebs, pastaj deri n\u00ebn gjunj, petalet binin e binin pandalur, nj\u00ebsoj sikur kristalet e d\u00ebbor\u00ebs q\u00eb shtres\u00ebzohen mbi fush\u00ebn. Thuase petalet ishin t\u00eb pashtershme, tavani nuk shteronte, ujdisje perandorake, binin e s’pushonin ashtu nga qielli, si ndonj\u00eb kaskad\u00eb a ujvar\u00eb-floriad\u00eb. <\/p>\n

Sa m\u00eb shum\u00eb lule q\u00eb binin dhe i mbulonin mysafir\u00ebt e dehur, aq m\u00eb shum\u00eb koha kalonte dhe ata ndjeheshin t\u00eb p\u00ebrgjumur. T\u00eb ftuarit thjesht do ngulfateshin n\u00eb “pellgun” e luleve, shtres\u00eb q\u00eb rritej pafund\u00ebsisht. Dalngadal\u00eb dhe ajri sikur nis e r\u00ebndohej, zor t\u00eb merrnin frym\u00eb, do ia fillonin me gul\u00e7imet dhe frym\u00ebmarrja prore v\u00ebshtir\u00ebsohej. Duke qen\u00eb se ishin t\u00eb kurthuar s’mund t\u00eb iknin nga skena, portat s’hapeshin, pa lejen e perandorit s’mund t\u00eb shkoje kund. <\/p>\n

Dhe nga ana tjet\u00ebr lulet binin pa pushim, trupat e tyre do ishin t\u00eb “zhytur” komplet n\u00eb pellgun e thell\u00eb prej petalesh. Alkoolizimi i kokave ishte i pandalsh\u00ebm po ashtu, vera do e b\u00ebnte t\u00eb veten, fryma do mungonte, oksigjeni i pamjaftuesh\u00ebm n\u00eb frym\u00ebn e tyre, petalet dhe pluhuri i luleve t\u00eb shtypura do u hynin n\u00eb mushk\u00ebrit\u00eb dhe duke qen\u00eb t\u00eb dehur, t\u00eb rraskapitur, dalngadal\u00eb do i humbnin ndjenjat dhe shkurt, do vdisnin ashtu n\u00eb detin prej petalesh. <\/p>\n

T\u00eb mbuluar, t\u00eb heshtur, s’piptinte gj\u00eb, t\u00eb parfumosur, t\u00eb asfiksuar, t\u00eb vdekur… as q\u00eb i shihte kush. <\/p>\n

Thuhet se perandori Heliogabalus qe arg\u00ebtuar jasht\u00ebzakonisht me pamjen dhe me ngjarjen, ideja p\u00ebr “vrasjen me lulet” thuase pati qen\u00eb ide e shk\u00eblqyer, ndjehej fort i k\u00ebnaqur dhe vazhdoi me k\u00ebnaq\u00ebsin\u00eb duke pir\u00eb ver\u00ebn e tij, ashtu i qet\u00eb. Ajo mbr\u00ebmje festive dhe vrastare do ishte arg\u00ebtimi i v\u00ebrtet\u00eb dhe pa hile, vet\u00eb apogjeu i mbr\u00ebmjes s\u00eb perandorit.<\/p>\n

***
\nHeliogabalusi ishte nj\u00eb perandor romak q\u00eb sundoi nga v. 218 deri 222 t\u00eb er\u00ebs son\u00eb. Gjat\u00eb mbret\u00ebrimit t\u00eb shkurt\u00ebr 4-vje\u00e7ar, ai e mahniti (pothuaj deri n\u00eb p\u00ebshtirosje) shoq\u00ebrin\u00eb romake me stilin e jet\u00ebs jasht\u00ebzakonisht t\u00eb shthurur. P\u00ebr shkak t\u00eb m\u00ebnyr\u00ebs s\u00eb tij dekadente t\u00eb jetes\u00ebs dhe t\u00eb shkeljeve ndaj normave seksualistike t\u00eb koh\u00ebs dhe t\u00eb religjionit, do e rrethonin skandale t\u00eb shpeshta. Ishte nj\u00eb perandor jasht\u00ebzakonisht i pap\u00eblqyesh\u00ebm dhe p\u00ebrfundimisht i largoi dhe ata q\u00eb, eventualisht dhe e mb\u00ebshtesnin regjimin e tij, tekefundit fillimisht, derisa ende nuk e njihnin, dhe meq\u00eb interesat e tyre politike ishin t\u00eb lidhura. M\u00ebnyra e tij e jetes\u00ebs dhe shthurjet q\u00eb ai i mb\u00ebshteste, ahengjet q\u00eb i organizonte, duhet t\u00eb ken\u00eb qen\u00eb tejet t\u00eb papranueshme, s\u00ebshpejti do vinin dhe pasojat, si rrjedhoj\u00eb pas vet\u00ebm kat\u00ebr vite sundimi, perandori Heliogabalus do vritej nga vet\u00eb familja e tij.<\/p>\n","protected":false},"excerpt":{"rendered":"

(S. Guraziu – Ars Poetica, Mars 2025) Zor t’ket\u00eb vrasje m\u00eb t\u00eb “but\u00eb”, m\u00eb t\u00eb parfumosur sesa me petale lulesh. Dhe padyshim lulet jan\u00eb di\u00e7 si dhurat\u00eb hyjnore – ashtu ia themi, sikur ashtu besojm\u00eb. N\u00ebse dashuria “dhurat\u00eb hyjnore”, at\u00ebher\u00eb… Lexo →<\/span><\/a><\/p>\n","protected":false},"author":1,"featured_media":0,"comment_status":"closed","ping_status":"open","sticky":false,"template":"","format":"standard","meta":{"footnotes":""},"categories":[13],"tags":[],"class_list":["post-17059","post","type-post","status-publish","format-standard","hentry","category-classic"],"_links":{"self":[{"href":"https:\/\/letrat.eu\/index.php?rest_route=\/wp\/v2\/posts\/17059","targetHints":{"allow":["GET"]}}],"collection":[{"href":"https:\/\/letrat.eu\/index.php?rest_route=\/wp\/v2\/posts"}],"about":[{"href":"https:\/\/letrat.eu\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/letrat.eu\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/letrat.eu\/index.php?rest_route=%2Fwp%2Fv2%2Fcomments&post=17059"}],"version-history":[{"count":0,"href":"https:\/\/letrat.eu\/index.php?rest_route=\/wp\/v2\/posts\/17059\/revisions"}],"wp:attachment":[{"href":"https:\/\/letrat.eu\/index.php?rest_route=%2Fwp%2Fv2%2Fmedia&parent=17059"}],"wp:term":[{"taxonomy":"category","embeddable":true,"href":"https:\/\/letrat.eu\/index.php?rest_route=%2Fwp%2Fv2%2Fcategories&post=17059"},{"taxonomy":"post_tag","embeddable":true,"href":"https:\/\/letrat.eu\/index.php?rest_route=%2Fwp%2Fv2%2Ftags&post=17059"}],"curies":[{"name":"wp","href":"https:\/\/api.w.org\/{rel}","templated":true}]}}