\nSi krijesa biologjike e kemi ndjesin\u00eb (sepse na duhet p\u00ebr shum\u00eb gj\u00ebra, dihet gj\u00ebja m\u00eb bazike \u00ebsht\u00eb p\u00ebr t’u ndjer\u00eb “gjall\u00eb”, p\u00ebrndryshe s’do ta kishim iden\u00eb, do v\u00ebrtiteshim si gur\u00ebt e rripit t\u00eb asteroid\u00ebve pa e patur iden\u00eb p\u00ebr ngroht\u00ebsin\u00eb e Diellit), tutje jemi t\u00eb pajisur dhe me parandjesin\u00eb (parandjenjat jan\u00eb di\u00e7 m\u00eb e avancuar, jo gjithkush i kupton ato : ), pastaj na takojn\u00eb dhe mjaft vese psikologjike p\u00ebr ta ruajtur “balancin” (t\u00eb tilla vese zakonisht jan\u00eb fare “patetike” por e kan\u00eb rolin e vet, psh. mania p\u00ebr euforizime, frik\u00ebrat e ndryshme nga d\u00ebshtimet, ankthet lidhur me parapritjet, nostalgjia dhe malli, madje dhe vet\u00eb shpresa fondamentale \u00ebsht\u00eb nj\u00eb truk i till\u00eb).
\nN\u00ebse ndonj\u00ebher\u00eb na merr malli p\u00ebr dikend (q\u00eb mund ta kemi dashur dikur, vet\u00ebdijsh\u00ebm ose pavet\u00ebdijsh\u00ebm), n\u00ebse vuajm\u00eb p\u00ebr ndonj\u00eb dashuri t\u00eb humbur, n\u00ebse ndarja nga dikush ishte e pashmangshme dhe n\u00ebse kthehemi n\u00eb qarala\u00e7\u00ebr… ndoshta s’duhet t\u00eb ndjehemi “ngusht”, pasi dashuria \u00ebsht\u00eb thjesht nj\u00eb grumbull “procesesh kimike”, panum\u00ebr gj\u00ebrash mikroskopike p\u00ebrzihen e b\u00ebhen l\u00ebmsh n\u00eb laboratorin e qenies, shpesh zemrat kthehen n\u00eb nj\u00eb “furr\u00eb” ku piqen dhimbjet – \u00ebndrrat shtiren sikur jan\u00eb “katalizatori” i gjith\u00eb magjis\u00eb, ato treten… por ama gjith\u00e7ka tjet\u00ebr ngelet, reale dhe permanente, gjurm\u00ebt e historis\u00eb jan\u00eb t\u00eb pashlyeshme, secili sukses ose d\u00ebshtim i zemr\u00ebs ruhet si histori legjitime e qenies!<\/p>\n
(gjoja me gjuh\u00ebn e zemr\u00ebs<\/em>) <\/p>\n","protected":false},"excerpt":{"rendered":" P\u00cbRZIERJE N\u00cb PUN\u00cbT E BRENDSHME S. Guraziu, 2007 (Skic\u00eb…) (me gjuh\u00ebn e ftoht\u00eb, teknike) Si krijesa biologjike e kemi ndjesin\u00eb (sepse na duhet p\u00ebr shum\u00eb gj\u00ebra, dihet gj\u00ebja m\u00eb bazike \u00ebsht\u00eb p\u00ebr t’u ndjer\u00eb “gjall\u00eb”, p\u00ebrndryshe s’do ta kishim iden\u00eb,… Lexo
\nDuhet t\u00eb ik sot, m\u00eb tmerron “bileta e fundit”, por nj\u00eb z\u00eb tjet\u00ebr, z\u00eb i heshtjes prap\u00eb m\u00eb \u00e7mend, marr\u00ebzisht me gjuh\u00ebn e vet, s’di kah vjen, pothuaj insiston torturimin; tortur\u00eb e shurdh\u00ebr, memece, qasje arrogante, kryene\u00e7e, s’ka shkuarje – thot\u00eb, s’ka ikje p\u00ebrtej vetvetes, p\u00ebrtej mbamendjes, kujtimit, p\u00ebrtej bodrumeve, dyerve t\u00eb r\u00ebnda, sirtar\u00ebve me vula-dyllosur, zonave deponuese – karantin\u00eb p\u00ebrjetimesh, gjithkund je ti, – thot\u00eb, prezente \u00ebsht\u00eb simbiotikisht fryma jote, tentakul\u00eb frymore, krijes\u00eb laringoide si nj\u00eb mini-tornado p\u00ebrngjitet, p\u00ebrthithet, p\u00ebrzihet thell\u00ebsive t\u00eb damar\u00ebve, fshihet pas rruz\u00ebbardhave – si \u00ebsht\u00eb e mundur vall\u00eb, s’mund t\u00eb jet\u00eb nj\u00eb frym\u00eb e huaj \u00e7el\u00ebs-kromozom i qenies am\u00eb, p\u00ebrzierje n\u00eb pun\u00ebt e brendshme t\u00eb saj, sepse dhe ora madje, ajo biologjike, sikur akrepat e tu i ka, roz\u00eb, si titujt e poezive t\u00eb tua, si tr\u00ebndafilat e zgjedhur dikur enkas p\u00ebr mua, m\u00eb \u00e7mend kjo gjuh\u00eb memece, gjuha e t\u00eb gjitha gjuh\u00ebve, \u00e7uditsh\u00ebm ting\u00ebllon, kumbon pa kok\u00eb e bisht komorave… instaluar skajeve t\u00eb kuptimit, si gypa gjigant\u00eb anijesh, si aso t\u00eb hoteleve, “aircondition” mbase i logjik\u00ebs, nevoj\u00eb e vet\u00ebftohjes sepse ti gjithkah n\u00eb mua, ma nxeh, ma akordon metabolizmin, \u00e7do gj\u00eb tro\u00e7 ma thot\u00eb, s’jam i vet\u00ebm, gjithkund me ty jam, brenda vet\u00eb frym\u00ebs, n\u00eb ind e n\u00eb asht, n\u00eb palc\u00eb, n\u00eb poret – n\u00eb \u00e7do skaj, n\u00eb \u00e7do nyje, n\u00eb \u00e7do shteg di\u00e7 si \u00e7erdhe infiltrant\u00ebsh, gjith\u00e7ka b\u00ebn “zhurm\u00eb”, qelizat p\u00ebshp\u00ebrisin, neuronet filozofojn\u00eb, me vesin e tyre elektrik rendin si t\u00eb marr\u00eb, dihasin, pyesin si ta pag\u00ebzojn\u00eb, si ta kodojn\u00eb k\u00ebt\u00eb prezenc\u00eb tjet\u00ebrfare, tjet\u00ebrlloj, tani n\u00ebse di\u00e7 ndodh, n\u00ebse nga jasht\u00eb imponohet nj\u00eb “thyerje”, si t\u00eb definohet kjo dhimbje, si t’i lidhet gryka k\u00ebsaj strajce p\u00ebrjetimi, ku t\u00eb deponohet, n\u00eb bujtinat e zemr\u00ebs si t\u00eb akomodohet, \u00e7far\u00eb etikete, \u00e7far\u00eb ngjyre k\u00ebsaj pakoje-vulosur me t\u00eb kuq, dhimbje e fresk\u00ebt – tutje permanente, p\u00ebrbind\u00ebsh memec, \u00e7far\u00eb shifre identifikimi t\u00eb ket\u00eb, po t’i teket Captain-Kujtimit her\u00ebdokur t’i trazoj\u00eb arkivat, ta gjej\u00eb k\u00ebt\u00eb d\u00ebshtim-segment… p\u00ebr raportin e tij – sepse megjithat\u00eb histori e denj\u00eb \u00ebsht\u00eb, frymim legjitim i qenies.<\/p>\n![\"\"](\"https:\/\/www.letrat.eu\/wp-content\/uploads\/2019\/09\/Maria-Corte-Maidagan-Agujetas-Instagram.jpg\")
<\/p>\n