{"id":6846,"date":"2020-11-06T07:56:20","date_gmt":"2020-11-06T06:56:20","guid":{"rendered":"https:\/\/letrat.eu\/?p=6846"},"modified":"2024-04-10T07:57:19","modified_gmt":"2024-04-10T06:57:19","slug":"ikanaket-te-pakthyeshmit-guximtaret-e-marsit","status":"publish","type":"post","link":"https:\/\/letrat.eu\/?p=6846","title":{"rendered":"Ikanak\u00ebt, t\u00eb pakthyeshmit, guximtar\u00ebt e Marsit!"},"content":{"rendered":"

S. Guraziu – AP, N 2020 [ Humoresk\u00eb | fragment nga “Ego-sintonia dhe Vet\u00ebnjohja e Un-ikalitetit Narcizist” ]<\/em><\/p>\n

(…m\u00eb dhimbset dhe Laika, ajo qenushja-astronaut, eksperimentistja kozmonautike. Pa le q\u00eb ndoshta ajo kund\u00ebr vullnetit t\u00eb vet, s’do e ken\u00eb pyetur fare t\u00eb ngraten. Ashtu me ca kockash t\u00eb mjaltosura do e ken\u00eb mashtruar, e pat\u00ebn ngujuar n\u00eb raket\u00eb<\/strong>…)<\/p>\n

|- – –
\nPersonat me ndjenj\u00ebn e fuqishme t\u00eb vet\u00eb-vler\u00ebsimit qiellor, dhe t\u00eb cil\u00ebt ve\u00e7 i ka trajtuar psiko-shkenca, n\u00ebse t’i pyesnim \u00ebmb\u00ebl e but\u00ebsisht, fare leht\u00eb do ta pranonin se jan\u00eb narcizist\u00eb. Sepse aq e leht\u00eb me eksperimentist\u00ebt, me kaviet eksperimentale. Madje ka t\u00eb till\u00eb q\u00eb p\u00ebr hir t\u00eb “eksperimenteve” vullnetarisht kan\u00eb pranuar t’shp\u00ebrngulen n\u00eb Mars. Vet\u00ebdijsh\u00ebm e kan\u00eb pranuar alternativ\u00ebn e pakthimit, bilet\u00ebn nj\u00ebdrejtimshe. Shp\u00ebrngulja dhe t\u00eb gjitha sakrificat deri sot, s’kan\u00eb t’b\u00ebjn\u00eb vet\u00ebm me dashurin\u00eb ndaj njer\u00ebzimit, por dhe me dashurin\u00eb e me dashamir\u00ebsin\u00eb ndaj shkenc\u00ebs. S’duhet mohuar, Cesarit \u00e7’i takon Cesarit, ama nep\u00ebr humoreska dhe shkrimesh satirike ja q\u00eb duhet shkapuritur dhe detajesh q\u00eb s’i permend kush, duhet shoshitur lloj-lloj cik\u00ebrrimash t\u00eb tjera…<\/p>\n

P\u00ebrpara s’kam dyshuar, s’m\u00eb ka vajtur as mendja se ndokush nga neve humanoid\u00ebt mund t’na jet\u00eb dhe “alien”. Hollivudi pretendonte me mbushamendjen, ka pothuaj nj\u00eb shekull me lloj-lloj idesh\u00eb e filmash, por kot. S’besoj t’i ket\u00eb besuar kush pollavrat e “gjelb\u00ebrushve t\u00eb Marsit”. Tani me shfaqjen e vullnetar\u00ebve ikanak\u00eb, sikur m’\u00ebsht\u00eb luhatur siguria. Si ta kuptoj vall\u00eb, kur vajzat n\u00eb lulen e rinis\u00eb duan t’ikin sa m\u00eb larg tok\u00ebsor\u00ebve, ende pa i testuar raketat mir\u00ebfilli vajzat as 20-vje\u00e7are kandidojn\u00eb t’shp\u00ebrngulen n\u00eb Mars, t\u00eb rrin\u00eb atje p\u00ebrgjithmon\u00eb!
\nHm, sa i p\u00ebrket alienizmit s’duhet mohuar, mjaft t\u00eb “dyshimt\u00eb” kandidat\u00ebt e Marsit, tani s’jam dhe aq i sigurt.<\/p>\n

Natyrisht s’m\u00eb dhimbsen, pasi nd\u00ebrmarrjet e tyre t\u00eb guximshme jan\u00eb n\u00eb em\u00ebr t\u00eb mbar\u00eb njer\u00ebzimit, s’ka arsye p\u00ebr dhimbshuri, do ishte absurd cilido impuls sentimental. Vullnetar\u00ebt e “dyshimt\u00eb” ashtu-k\u00ebshtu s’jan\u00eb ngusht, aq u b\u00ebn\u00eb atyre p\u00ebr sentimentet tona. Kan\u00eb zgjedhur vullnetarisht t’jen\u00eb eksperimentist\u00eb. Bie fjala NASA ka dhe aso pilot\u00eb guximtar\u00eb q\u00eb i testojn\u00eb lloj-lloj avion\u00ebsh marramend\u00ebs, gjithmon\u00eb i ka patur. I ka dhe ESA ndoshta, lloj-lloj guximtar\u00ebsh. Padyshim do i ken\u00eb patur dhe sovjet\u00ebt, tani do i ken\u00eb dhe rus\u00ebt, edhe kinez\u00ebt. Pilot\u00ebt e tok\u00ebs e t\u00eb orbit\u00ebs jan\u00eb guximtar\u00eb normal\u00eb, t\u00eb zakonsh\u00ebm, jemi m\u00ebsuar me ta.
\nK\u00ebta t\u00eb “dyshimtit” tani duan t’i testojn\u00eb raketat e Marsit, jo p\u00ebr t’i \u00e7uar ca domate e akullore n\u00eb orbit\u00eb, por p\u00ebr t’mos u kthyer kurr\u00eb.<\/p>\n

Kuptohet q\u00eb t\u00eb dyja pal\u00ebt jan\u00eb vullnetar\u00eb, edhe guximtar\u00ebt edhe super-guximtar\u00ebt. S’b\u00ebhen gj\u00ebrat me zor, s’i shtyn kush t\u00eb nd\u00ebrmarrin eksperimente t\u00eb rrezikshme, finalistike n\u00eb jet\u00ebn e tyre. Dallimi \u00ebsht\u00eb se eksperimentist\u00ebt e tok\u00ebs s’jan\u00eb t\u00eb dyshimt\u00eb. N\u00ebse eksperimenti i rreziksh\u00ebm mbaron me sukses, fort mir\u00eb… bukur t’jesh fatlum. Qoft\u00eb dhe n’stratosfer\u00eb, me grahmat oksigjenike t\u00eb fundit, o zoti o fati do i kursej\u00eb, ashtu t\u00eb kalamendur kthehen rishtas n\u00eb Tok\u00eb. Rendin njer\u00ebzia, i nxjerrin nga deti me helikopter\u00eb, i hedhin n\u00eb TV, i b\u00ebjn\u00eb yje mediash p\u00ebr ca vjet, g\u00ebzohen madje dhe t\u00eb dashurat e tyre.<\/p>\n

Nd\u00ebrsa k\u00ebta “eksperimentist\u00ebt” e Marsit jan\u00eb fare di\u00e7 tjet\u00ebr, s’do t’kthehen kurr\u00eb. K\u00ebta sikur q\u00ebllimisht duan t’ikin larg humanoid\u00ebve, sa m\u00eb larg nga “tok\u00ebsor\u00ebt”, k\u00ebtyre sikur iu p\u00eblqen moskthimi!
\nRan\u00eb pra ikanak\u00ebt, t\u00eb pakthyeshmit, guximtar\u00ebt, kandidat\u00ebt e Marsit dhe tani sikur m’\u00ebsht\u00eb luhatur siguria. Ku di, ndoshta Hollivudi v\u00ebrtet t\u00eb ket\u00eb ditur di\u00e7 rreth “gjelb\u00ebrushve t\u00eb Marsit”. P\u00ebrndryshe s’ka si sqarohet. T’i biesh fyellit p\u00ebr nj\u00eb shekull t\u00eb gjat\u00eb n\u00eb nj\u00eb vrim\u00eb, dhe melodin\u00eb t\u00ebnde t’mos e p\u00eblqej\u00eb asnjeri, asnj\u00eb baresh\u00eb dhe as bari, asnj\u00eb hi\u00e7kush nga gjith\u00eb frymor\u00ebt e planetit, ja q\u00eb as ashtu s’do pinte uj\u00eb.<\/p>\n

Gjithsesi, kam frik\u00eb eksperimentizmi i ikanak\u00ebve t\u00eb Marsit s’ka si sqarohet me veglat e psiko-shkenc\u00ebs tok\u00ebsore, do ngelet p\u00ebrgjithmon\u00eb si mister. Ndoshta teorit\u00eb konspirative t\u00eb “alienizmit” vet\u00ebm sa do lul\u00ebzojn\u00eb. E dhimbshme pra, kandidat\u00ebt, ikanak\u00ebt, eksperimentist\u00eb do ikin, ama ne vet\u00eb do ngelemi n\u00eb err\u00ebsir\u00eb, s’do mund ta hedhim n\u00eb drit\u00eb asnj\u00eb sekret. Uroj q\u00eb her\u00ebdokur s\u00ebpaku t’na dalin n\u00eb ndihm\u00eb shkencat e Marsit, sepse do zbuteshin gj\u00ebrat, do ngopeshin kureshtjet, do fashiteshin dhimbjet. Shpresoj q\u00eb her\u00ebdokur marsian\u00ebt t\u00eb shfaqen ndaj nesh solidar\u00eb… e jo t\u2019mos na e varin (neve tok\u00ebsor\u00ebve), t’na injorojn\u00eb. Psh. si australian\u00ebt q\u00eb tani shtiren mendjem\u00ebdhenj, pushk\u00eb e kan\u00eb me aziat\u00ebt ama evropian\u00ebve s\u2019ua varin. Apo si kanadez\u00ebt q\u00eb shtiren \u201ccool\u201d, gjoja p\u00ebr shkak t\u00eb af\u00ebrsis\u00eb polare rrin\u00eb aq t\u00eb ftoht\u00eb ndaj nesh. Apo si Trumpi i cili tashm\u00eb, n\u00eb em\u00ebr t\u00eb gjith\u00eb Amerik\u00ebs, p\u00ebr gjith\u00e7ka na e tregon \u201cb\u00ebrrylin\u201d, s\u2019ia var as Macron-it as Makaronit, madje as vet\u00eb zonj\u00ebs m\u00eb t\u2019fuqishme t\u00eb kontinentit, Znj. Merkel<\/p>\n

Anise, kuptohet ndihma marsiane automatikisht do t’n\u00ebnkuptonte dhe an\u00ebn tjet\u00ebr t\u00eb “medaljes”. Ashtu do dilte shum\u00e7ka ose gjith\u00e7ka n\u00eb sheh. Do ishte dhimbje e madhe n\u00eb vete, di\u00e7 si pasoj\u00eb “pandoriane” e mosdurimit. Do n\u00ebnkuptohej q\u00eb dyshimet rreth “alienizmit” dikur s’paskeshin qen\u00eb kot, secila hipotez\u00eb konspirative, sado e pabesueshme, megjithat\u00eb na paskesh qen\u00eb e v\u00ebrtet\u00eb. Do ta kuptonim q\u00eb p\u00ebr nj\u00eb shekull t\u00eb t\u00ebr\u00eb e paskeshim vrar\u00eb mendjen me t\u00eb drejt\u00eb. Do ta dinim se fjala, n\u00eb fakt na pask\u00ebsh qen\u00eb p\u00ebr fakte t\u00eb fshehura. Vall\u00eb pse duhej q\u00eb tok\u00ebsor\u00ebt t’i fshihnin faktet e veta, pse duhej ta mbanim veten n\u00eb err\u00ebsir\u00eb p\u00ebr nj\u00eb shekull t\u00eb gjat\u00eb, kujt i duhej err\u00ebsira shekullore, pse duhej t’i “maskonim alien\u00ebt”… Vall\u00eb pse duhen fshehur faktet q\u00ebllimisht, kush mund ta b\u00ebnte k\u00ebt\u00eb akt anti-njer\u00ebzor kaq kolosal, kaq anti-human, \u00e7far\u00eb “njer\u00ebz” na qenkan ata q\u00eb mund ta b\u00ebjn\u00eb, n\u00ebse s’ishin “njer\u00ebz” at\u00ebher\u00eb \u00e7far\u00eb na ishin?<\/p>\n

Etj. etj. etj. paskajsisht do habiteshim, zhg\u00ebnjimi do e pllakoste gjith\u00eb planetin.
\nImagjino sa i gjat\u00eb nj\u00eb shekull, imagjino me miliona teori internetike, panum\u00ebr konspiracione, imagjino nes\u00eb secila drit\u00eb-flutur\u00eb e paidentifikueshme, secila UFO-pjat\u00eb fluturuese t’na dilte e V\u00cbRTET\u00cb… ruana zot, do shembej bota, do trazohej i gjith\u00eb rruzulli, me kontinente e me akullnente. Do ishte aspak m\u00eb ndryshe sesa hapja e ndonj\u00eb Kutie t\u00eb Pandor\u00ebs plot t\u00eb v\u00ebrtetash, tashm\u00eb t\u00eb helmatisura.
\nShkurt s’\u00ebsht\u00eb nevoja p\u00ebr sentimente as p\u00ebr vramendje. Le t’ikin ikanak\u00ebt, le t’i testojn\u00eb raketat, s’\u00ebsht\u00eb nevoja t’i dhimbsen kujt vullnetar\u00ebt, eksperimentist\u00ebt, guximtar\u00ebt e “dyshimt\u00eb”…<\/p>\n

N\u00ebse t’ia fillonim me sentimente, at\u00ebher\u00eb n\u00eb fakt m\u00eb dhimbset dhe Laika, ajo qenushja-astronaut, eksperimentistja kozmonautike. Pa le q\u00eb ndoshta ajo kund\u00ebr vullnetit t\u00eb vet, s’do e ken\u00eb pyetur fare t\u00eb ngraten. Ashtu me ca kockash t\u00eb mjaltosura do e ken\u00eb mashtruar, e pat\u00ebn ngujuar n\u00eb raket\u00eb. Emri “Laika” do p\u00ebrkthehej si “leh\u00ebs-e”, vall\u00eb \u00e7’fshihej pra n\u00eb lehjet, n\u00eb klithmat e fundit t\u00eb agonis\u00eb teksa po digjej n\u00eb kapsul\u00ebn prush? Fluturakja e saj duhej t\u00eb digjej, t\u00eb dizintegrohej gjat\u00eb hyrjes n\u00eb atmosfer\u00eb, s’ishte e dizajnuar t\u00eb kthehej ndonj\u00ebher\u00eb.
\nM\u00eb dhimbsen t\u00eb gjitha “eksperimentet” e d\u00ebshtuara pararend\u00ebse, t\u00eb gjitha kafsh\u00ebt e m\u00ebparshme dhe ato t\u00eb m\u00ebvon\u00ebshme kozmonautike. Sa p\u00ebr kaviesh t\u00eb bardha eksperimentale, me miliona krijesash t\u00eb vogla, sakrifica t\u00eb dashuris\u00eb laboratorike, ato s’duhet ndoshta as t’i p\u00ebrmendim.<\/p>\n

|- – – fragment nga “Ego-sintonia dhe Vet\u00ebnjohja e Un-ikalitetit Narcizist”<\/em> – – –<\/p>\n

\"\"<\/a><\/p>\n","protected":false},"excerpt":{"rendered":"

S. Guraziu – AP, N 2020 [ Humoresk\u00eb | fragment nga “Ego-sintonia dhe Vet\u00ebnjohja e Un-ikalitetit Narcizist” ] (…m\u00eb dhimbset dhe Laika, ajo qenushja-astronaut, eksperimentistja kozmonautike. Pa le q\u00eb ndoshta ajo kund\u00ebr vullnetit t\u00eb vet, s’do e ken\u00eb pyetur fare… Lexo →<\/span><\/a><\/p>\n","protected":false},"author":1,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[9],"tags":[],"class_list":["post-6846","post","type-post","status-publish","format-standard","hentry","category-humoreska"],"_links":{"self":[{"href":"https:\/\/letrat.eu\/index.php?rest_route=\/wp\/v2\/posts\/6846","targetHints":{"allow":["GET"]}}],"collection":[{"href":"https:\/\/letrat.eu\/index.php?rest_route=\/wp\/v2\/posts"}],"about":[{"href":"https:\/\/letrat.eu\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/letrat.eu\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/letrat.eu\/index.php?rest_route=%2Fwp%2Fv2%2Fcomments&post=6846"}],"version-history":[{"count":0,"href":"https:\/\/letrat.eu\/index.php?rest_route=\/wp\/v2\/posts\/6846\/revisions"}],"wp:attachment":[{"href":"https:\/\/letrat.eu\/index.php?rest_route=%2Fwp%2Fv2%2Fmedia&parent=6846"}],"wp:term":[{"taxonomy":"category","embeddable":true,"href":"https:\/\/letrat.eu\/index.php?rest_route=%2Fwp%2Fv2%2Fcategories&post=6846"},{"taxonomy":"post_tag","embeddable":true,"href":"https:\/\/letrat.eu\/index.php?rest_route=%2Fwp%2Fv2%2Ftags&post=6846"}],"curies":[{"name":"wp","href":"https:\/\/api.w.org\/{rel}","templated":true}]}}