{"id":6878,"date":"2020-11-25T19:22:42","date_gmt":"2020-11-25T18:22:42","guid":{"rendered":"https:\/\/letrat.eu\/?p=6878"},"modified":"2024-04-09T09:29:49","modified_gmt":"2024-04-09T08:29:49","slug":"koloset-e-mijevjecareve-themeltaret-e-identitetit-kombetar","status":"publish","type":"post","link":"https:\/\/letrat.eu\/?p=6878","title":{"rendered":"Kolos\u00ebt e Mij\u00ebvje\u00e7ar\u00ebve – “Themeltar\u00ebt” e Identitetit Komb\u00ebtar!"},"content":{"rendered":"

S. Guraziu – Ars Poetica, Qershor 2016<\/em><\/p>\n

Ne lexuesit e thjesht\u00eb, “johistorian\u00ebt”, kureshtar\u00ebt, q\u00eb ndonj\u00ebher\u00eb zbresim bodrumeve plot pluhur e merimanga t\u00eb historis\u00eb, shpesh gjejm\u00eb gj\u00ebra q\u00eb na b\u00ebjn\u00eb p\u00ebrshtypje, q\u00eb na “intrigojn\u00eb”. S’\u00ebsht\u00eb p\u00ebr t’u \u00e7uditur se dhe lexuesit e zakonsh\u00ebm i kan\u00eb arsyet e veta t\u00eb bodrumeve, pakashum\u00eb nj\u00ebsoj si\u00e7 i kan\u00eb dhe historian\u00ebt. P\u00ebr fat t\u00eb mir\u00eb aty-k\u00ebtu kronikat e historis\u00eb na servirin gj\u00ebrash sadopak interesante, dhe hooop na ngjallet kureshtja. P\u00ebrndryshe t\u00eb dyja pal\u00ebt do m\u00ebrziteshin, tekniciteti tekstual, kronikat shterpe, pasakt\u00ebsit\u00eb dhe falsiteti i historis\u00eb din\u00eb t’jen\u00eb tep\u00ebr t\u00eb m\u00ebrzitshme, aq monotone… s’do ia vlente as mundi i leximit.<\/p>\n

M\u00eb tep\u00ebr si frym\u00ebzim, n\u00eb form\u00ebn e nj\u00eb paralelizimi t\u00eb shkurt\u00ebr, ka me vite sikur doja t’i them dy-tri fjal\u00eb p\u00ebr heroin ton\u00eb komb\u00ebtar, p\u00ebr Sk\u00ebnderbeun dhe p\u00ebr heroin e dikursh\u00ebm germanik, Arminius (n\u00eb gjermanishten e sotme, Herman), \u00e7liruesin e “Germania”, rezistuesin e shquar t\u00eb perandoris\u00eb m\u00eb t\u00eb fuqishme t\u00eb koh\u00ebs, t\u00eb perandoris\u00eb Romake. Rezistenca e tij do ta turp\u00ebronte at\u00eb makin\u00ebn ushtarake t\u00eb Rom\u00ebs s\u00eb pandalshme, suksesi i tij “strategjik” sikur do ta definonte rezistenc\u00ebn germanike p\u00ebr shekuj me radh\u00eb.
\nMir\u00ebpo, h\u00ebp\u00ebrh\u00eb – dhe pastaj sikur s’m\u00eb b\u00ebhej puna, gj\u00ebrat shkisnin n\u00eb harres\u00eb. Thjesht ca fjal\u00eb pra, ca “vija t\u00eb trasha” – n\u00ebse eventualisht t’m\u00eb p\u00ebrvidhet ndonj\u00eb gabim, le t’m\u00eb korrigjojn\u00eb historian\u00ebt : )<\/p>\n

Anise ka nj\u00eb “boshll\u00ebk” gjigant kohor, ose larg\u00ebsi prej aq shum\u00eb shekujsh mes tyre, \u00ebsht\u00eb mjaft interesant “fati identik” i k\u00ebtyre dy kolos\u00ebve, i strateg\u00ebve t\u00eb pashoq t\u00eb luft\u00ebs. U dalluan si shembuj nga m\u00eb t\u00eb lavdishmit e historis\u00eb, n\u00eb qiellin e historis\u00eb shndrit\u00ebn si yje t\u00eb rezistenc\u00ebs s\u00eb pakompromis dhe t\u00eb luft\u00ebs p\u00ebr lirin\u00eb e popujve t\u00eb tyre. N\u00eb rrethana fare t\u00eb ndryshme historike por q\u00eb t\u00eb dy u moren peng, q\u00eb t\u00eb dy u internuan diku larg, q\u00eb t\u00eb dy u shkolluan dhe u b\u00ebn\u00eb oficer\u00eb t\u00eb dalluar, q\u00eb t\u00eb dy i d\u00ebshmuan aft\u00ebsit\u00eb e tyre n\u00eb rolet pararend\u00ebse (testuese), q\u00eb t\u00eb dy mor\u00ebn pjes\u00eb n\u00ebp\u00ebr kampanja t\u00eb luft\u00ebs diku “larg” n\u00eb tokat e Ballkanit, q\u00eb t\u00eb dy e “tradhtuan” tutorin (armikun – sulltanin a perandorin), q\u00eb t\u00eb dy u kthyen n\u00eb gjirin e popujve t\u00eb vet, q\u00eb t\u00eb dy e fituan respektin e prijatar\u00ebve t\u00eb fiseve e t\u00eb princave, q\u00eb t\u00eb dy u mish\u00ebruan p\u00ebr organizimin dhe p\u00ebr bashkimin e fiseve-principatave, q\u00eb t\u00eb dy ia dol\u00ebn dhe u fuqizuan “ligash”, aleancash e marr\u00ebveshjesh, q\u00eb t\u00eb dy u dalluan p\u00ebr udh\u00ebheqje, p\u00ebr vizion e p\u00ebr vendime strategjike, q\u00eb t\u00eb dy u vun\u00eb n\u00eb ball\u00eb t\u00eb rezistenc\u00ebs, q\u00eb t\u00eb dy u tradhtuan nga radh\u00ebt e veta, q\u00eb t\u00eb dy luftuan dhe korren fitore n\u00eb beteja vendimtare, q\u00eb t\u00eb dy prej kolos\u00eb epik\u00eb sikur i vun\u00eb gur\u00ebt e par\u00eb, jo figurativisht por me plotkuptimin e fjal\u00ebs, n\u00eb themelet e identiteve komb\u00ebtare… etj.<\/p>\n

N\u00eb rastin e Arminius fjala \u00ebsht\u00eb p\u00ebr intervalin historik andej-e-k\u00ebndej pragut t\u00eb “er\u00ebs son\u00eb” (realisht s’\u00ebsht\u00eb se qe “k\u00ebputur” ndonj\u00ebher\u00eb linja e koh\u00ebs, p\u00ebrve\u00e7 se me “gjuh\u00ebn” e numrave n\u00eb kok\u00ebn ton\u00eb), pra p\u00ebr t’u orientuar sadopak – rreth 2 dekada p\u00ebrpara, dhe menj\u00ebher\u00eb 2-3 dekada pas asaj “0” – zeros imagjinare. Nd\u00ebrsa “koha” e Sk\u00ebnderbeut, si\u00e7 e dim\u00eb do vinte rreth 14 a 15 shekuj m\u00eb von\u00eb.
\nSk\u00ebnderbeu u nda nga familja q\u00eb n\u00eb f\u00ebmij\u00ebri, ose tep\u00ebr i ri, qe dor\u00ebzuar peng nga babai i vet, t\u00eb tilla pengmarrje ishin “kushte” t\u00eb vazalitetit, imponuar nga perandoria e fuqishme e asaj kohe. T\u00eb nj\u00ebjtin fat e pati “p\u00ebrjetuar” dhe Arminius. Nj\u00ebjt\u00eb sikur dhe Gjergji, edhe djaloshi Arminius do dor\u00ebzohej peng n\u00eb duar t\u00eb romak\u00ebve, p\u00ebr t’u nisur n\u00eb rrug\u00ebn e gjat\u00eb t\u00eb mallit e t\u00eb pik\u00ebllimit, drejt “qendr\u00ebs s\u00eb bot\u00ebs”, drejt Rom\u00ebs s\u00eb larg\u00ebt. Edhe Sk\u00ebnderbeu edhe Arminius ishin me prejardhje “fisnike”.<\/p>\n

Pa\u00e7ka se n\u00eb koh\u00ebn e Arminius fjala ishte p\u00ebr rreth pes\u00ebdhjet\u00eb fise “barbare” germanike. N\u00eb krahasim me qytet\u00ebrimin romak, historian\u00ebt sikur lirisht shprehen t\u00eb “jocivilizuara”, pa k\u00ebshtjellash e pa ndonj\u00eb organizim t\u00eb mir\u00ebfillt\u00eb komunitetesh n\u00eb qytete. B\u00ebrthamat urbane t\u00eb fisit Kerusk, nga ku vinte Arminius, por dhe t\u00eb fiseve t\u00eb tjera, ishin thjesht ca kasollesh. Krahasuar me qytet\u00ebrimin e perandoris\u00eb, jeta e fiseve germanike at\u00ebbot\u00eb ishte primitive. Mir\u00ebpo fiset do ta administronin jet\u00ebn dhe aktivitetet kolektive me kodet e traditat e tyre. Babai i Arminius ishte di\u00e7 si kreu i fisit, nj\u00eb dikush q\u00eb printe dhe q\u00eb e g\u00ebzonte respektin nga t\u00eb gjith\u00eb.<\/p>\n

Sa i p\u00ebrket pengmarrjes, Perandoria Romake operonte me t\u00eb nj\u00ebjtat motive, sikur dhe ajo e m\u00ebvonshmja, Perandoria Osmane. Aq shum\u00eb shekuj p\u00ebrpara se t\u00eb “aktualizohej” historia otomane, ajo e Rom\u00ebs i mblidhte t\u00eb rinjt\u00eb n\u00ebp\u00ebr provincat e paskajshme perandorake sipas logjik\u00ebs me dy “arsye” bazike. E para – sigurohej “lojaliteti” i babait, qoft\u00eb ndonj\u00eb baba i zakonsh\u00ebm, qoft\u00eb princ a fisnik. Dhe e dyta – duke i rritur, duke i edukuar e st\u00ebrvitur p\u00ebr aq gjat\u00eb, ishte supozuar q\u00eb trimat e rinj t\u00eb asimiloheshin n\u00eb “romak\u00eb” t\u00eb v\u00ebrtet\u00eb. Ata mund t’kishin prejardhje “tjet\u00ebr” por ata do t’mendonin, flisnin e vepronin me “gjuh\u00ebn e re”, me zemr\u00ebn e re. Zemra e tyre thjesht do adaptohej me identitetin e ri fizik dhe psikologjik.
\nDhe pothuaj gjithmon\u00eb, n\u00eb t\u00eb shumt\u00ebn e rasteve nuk ndodhte ndryshe por pik\u00ebrisht sipas “logjik\u00ebs” s\u00eb Rom\u00ebs. Me shekuj Roma i pati trajnuar e konvertuar n\u00eb “romak\u00eb” panum\u00ebr \u00e7unash, mbledhur nga t\u00eb gjitha skajet e perandoris\u00eb. N\u00eb koh\u00ebn e Arminius sikur nuk i dihej fundi a kufiri, ishte thjesht nj\u00eb entitet gjeografik i paskajsh\u00ebm.
\nPra “logjika” e thjesht\u00eb romake, n\u00eb thelb s’kishte asgj\u00eb m\u00eb “ndryshe” nga ajo Osmane, e fuqizuar shum\u00eb shekuj m\u00eb mbrapa, m\u00eb gjat\u00eb se nj\u00eb mij\u00ebvje\u00e7ar m\u00eb von\u00eb.<\/p>\n

Germania – Terra Incognita<\/strong><\/p>\n

Historia thot\u00eb se Arminius lindi n\u00eb vitin 18 ose 17 pes. U mor peng nga romak\u00ebt, si djal\u00eb i kreut t\u00eb fisit Kerusk (babai quhej Segimerus – gjerm. e sotme: Segimer) dhe u trajnua p\u00ebr t’u b\u00ebr\u00eb komandant n\u00eb radh\u00ebt e ushtris\u00eb romake. Rinin\u00eb e kaloi n\u00eb Rom\u00eb, ku dhe do pajisej me edukat\u00ebn ushtarake si dhe me “qytetarin\u00eb” romake. M\u00eb von\u00eb, e th\u00ebn\u00eb me terma relativ\u00eb, do ishte 1 dekad\u00eb e vetme (nga viti 9 deri 21 kur do vdiste), dhe Arminius do ta ndryshonte “kursin” e historis\u00eb p\u00ebrgjithmon\u00eb.<\/p>\n

Sikur dhe Gjergj Kastrioti q\u00eb u b\u00eb nj\u00eb “beik” (sipas turqishtes s\u00eb re: bey), edhe Arminius do ta g\u00ebzonte statusin e “kalor\u00ebsit”, ose statusin kalorsiak (n\u00eb koh\u00ebn e Rom\u00ebs nj\u00eb rang fisnik m\u00eb i ul\u00ebt). Sipas termave t\u00eb Rom\u00ebs, rang m\u00eb i ul\u00ebt i fisnik\u00ebris\u00eb, por p\u00ebr 25-vje\u00e7arin Arminius ishte i mjaftuesh\u00ebm q\u00eb n\u00eb vitin 9 (t\u00eb er\u00ebs son\u00eb) ta p\u00ebrpilonte dhe t’ia sillte Gjeneralit Varus nj\u00eb raport t\u00eb rrejsh\u00ebm p\u00ebr rebelime dhe kryengritje n\u00eb veri t\u00eb “Germania”. Ai e bindi at\u00eb q\u00eb t\u00eb devijonte me tre legjionet n\u00ebn komand\u00ebn e tij, p\u00ebr ta shtypur kryengritjen.<\/p>\n

Gjenerali romak qe pajtuar dhe trupat e tij n\u00eb fakt marshuan drejt e n\u00eb kurthin e Arminius, t\u00eb cilin ai e kishte organizuar duke i b\u00ebr\u00eb bashk\u00eb fisin e vet Kerusk, dhe t\u00eb pakt\u00ebn pes\u00eb fise tjera germanike. Trimat “barbar\u00eb” do t’sulmonin furish\u00ebm dhe do ta asgj\u00ebsonin t\u00ebr\u00eb ushtrin\u00eb romake, e cila p\u00ebrb\u00ebhej nga tre legjione dhe nga shtesa prej batalionesh kalorsiake, sikur dhe nga trupa e nj\u00ebsi tjera ndihm\u00ebse (mbi 20.000 ushtar\u00eb gjithsej). Kur humbja ve\u00e7 ishte e sigurt, Gjenerali Varus do t’b\u00ebnte vet\u00ebvrasje duke r\u00ebn\u00eb mbi shpat\u00ebn e tij. Fitorja e Arminius dhe tragjedia e ushtris\u00eb romake \u00ebsht\u00eb e njohur si “Beteja e Pyjeve Teutburg”.<\/p>\n

Sipas ekspert\u00ebve asgj\u00ebsimi ose shkat\u00ebrrimi i tre legjioneve t\u00eb t\u00ebra, si ushtri profesionale e perandoris\u00eb, me oficer\u00eb dhe me armatimet m\u00eb t\u00eb avancuara t\u00eb koh\u00ebs, ishte mrekullia vet\u00eb. Nga ana tjet\u00ebr, p\u00ebr Rom\u00ebn ishte nj\u00ebra nga humbjet m\u00eb t\u00eb m\u00ebdha dhe m\u00eb t\u00eb turpshme q\u00eb perandoria ka p\u00ebsuar ndonj\u00ebher\u00eb n\u00eb historin\u00eb e vet. Fitorja e Arminius sikur do ta p\u00ebrcaktonte fuqin\u00eb kulmore t\u00eb rezistenc\u00ebs germanike, p\u00ebr shekuj me radh\u00eb. Me fitoren e tij, p\u00ebrpjekjet romake p\u00ebr t’i pushtuar tokat e Germania sikur qen\u00eb “vulosur” t\u00eb d\u00ebshtonin p\u00ebrgjithmon\u00eb. Edhe pse romak\u00ebt do ia dilnin ta thyenin aleanc\u00ebn germanike t\u00eb sjellur n\u00eb jet\u00eb nga Arminiusi.<\/p>\n

Bazuar n\u00eb kronikat e Tacitus, nd\u00ebrmjet viteve 14 e 16 Roma do nd\u00ebrmerrte disa her\u00eb operacione ushtarake n\u00eb Germania, n\u00ebn komand\u00ebn e Gjeneralit Germanicus (nipi i perandorit Tiberius – si dhe babai i perandorit t\u00eb m\u00ebvonsh\u00ebm, Kaligula). Ushtria romake do korrte fitore dy her\u00eb ndaj forcave t\u00eb Arminius. Aleanca e fiseve t\u00eb Germania do luhatej, Arminius do t’p\u00ebrballej me kund\u00ebrshti nga udh\u00ebheq\u00ebs nd\u00ebr radh\u00ebt e vet\u00eb fisit Kerusk, por dhe t\u00eb udh\u00ebheq\u00ebsve t\u00eb tjer\u00eb t\u00eb fiseve germanike pro-romake.<\/p>\n

Po ashtu, thuhet se Thusnelda, gruaja e Arminius qenk\u00ebsh rr\u00ebmbyer nga romak\u00ebt, mbajtur peng ndoshta nga vet\u00eb komandanti Germanicus. Rr\u00ebmbimi i Thusnelda paska ndodhur n\u00eb vitin 15. Pra koh\u00eb tejet t\u00eb v\u00ebshtira p\u00ebr trimin Arminius, presion i madh psikologjik. Q\u00ebkur ai dhe vet\u00eb e pati rr\u00ebmbyer t\u00eb dashur\u00ebn, t\u00eb martohej me t\u00eb (meq\u00eb babai i saj, princi Segestes pask\u00ebsh menduar q\u00eb vajza t\u00eb martohej me dike tjet\u00ebr). Ashtu n\u00eb rob\u00ebri, e mbajtur peng nga romak\u00ebt, Thusnelda do ta lindte dhe djalin e tyre t\u00eb vet\u00ebm.<\/p>\n

Mir\u00ebpo n\u00eb vitin 19, komandanti romak do vdiste n\u00eb rrethana t\u00eb paqarta, sipas kronistit Tacitus at\u00ebbot\u00eb mjaft njer\u00ebz paskan besuar q\u00eb Germanicus t’jet\u00eb helmuar nga rival\u00ebria ose kund\u00ebrshtar\u00ebt (nd\u00ebr radh\u00ebt romake). Vet\u00ebm 2 vite pas vdekjes s\u00eb komandantit romak, n\u00eb v. 21 do vritej dhe Arminius. Derisa p\u00ebr rrethanat e vdekjes s\u00eb gjeneralit romak Tacitus s’ka “siguri” faktike, p\u00ebr prij\u00ebsin Arminius thot\u00eb se edhe ky qenk\u00ebsh vrar\u00eb nga rival\u00ebt (brenda fisit t\u00eb vet, Kerusk), t\u00eb cil\u00ebt mendonin se “po b\u00ebhej tep\u00ebr i fuqish\u00ebm”.<\/p>\n

Disfat\u00ebn e Rom\u00ebs, humbjen e Gjeneralit Varius n\u00eb Teutburg, historian\u00ebt e konsiderojn\u00eb si “humbja m\u00eb e madhe q\u00eb Roma ka p\u00ebsuar ndonj\u00ebher\u00eb n\u00eb historin\u00eb e vet”, dhe “Beteja e Teutburg” konsiderohet si nj\u00eb nga betejat m\u00eb vendimtare n\u00eb histori. Fitorja e Arminius kund\u00ebr legjioneve romake do ta kishte nj\u00eb efekt shum\u00eb t\u00eb gjer\u00eb n\u00eb historin\u00eb e m\u00ebvonshme. Romak\u00ebt sikur qen\u00eb “pajtuar” se Germania dhe pyjet e saj t\u00eb paskajshme ishin thjesht “terra incognita”, sikur matan\u00eb lumit Rajna s’ia vlente t’b\u00ebhej p\u00ebrpjekje p\u00ebr ta pushtuar, p\u00ebr ta mbajtur n\u00ebn kontroll… at\u00eb q\u00eb njihej si “Germania”.<\/p>\n

Mir\u00ebpo historian\u00ebt po ashtu sugjerojn\u00eb se Arminius nuk ishte arsyeja e vetme p\u00ebr ndryshimin e kursit politik t\u00eb Rom\u00ebs (p\u00ebr l\u00ebnien “rehat” t\u00eb Germania). Politika e “brendshme” romake gjithashtu ka luajtur rol, ose ishte nj\u00eb faktor i r\u00ebnd\u00ebsish\u00ebm; perandor\u00ebt romak\u00eb jo aq shpesh mund t’ia besonin nj\u00eb ushtri t\u00eb madhe ndonj\u00eb rivali t\u00eb mundsh\u00ebm politik. Me sukseset ushtarake vinte dhe fama e popullariteti politik… Shkurt, ruana zot nga ushtarak\u00ebt e suksessh\u00ebm dhe ambicioz \ud83d\ude42<\/p>\n

Tacitus (n\u00eb Annales II, 88<\/em>) shkruan – “Arminius, padyshim \u00e7lirimtari i Germania, i cili e sfidoi Romen, jo n\u00eb fillimet e fuqis\u00eb s\u00eb saj, si mbret\u00ebrit e udh\u00ebheq\u00ebsit e tjer\u00eb, por n\u00eb kulmin e fuqis\u00eb perandorake<\/strong>…”.<\/p>\n

[ ngjitur: Germania, si personifikim i unitetit t\u00eb kombit gjerman, Arminius, Thusnelda e pafat, gjenerali romak Germanicus, disa piktura si alegori artistike – SG Ars Poetica, Q 2016<\/span> ]<\/p>\n

1. Philipp Veit (1793-1877) – Germania<\/strong>, 1834-36
\n2. Philipp Veit (1793-1877) – Germania<\/strong>, 1848 (Version)
\n3. Hermann Wislicenus – Germania<\/strong>, 1873
\n4. Friedrich August von Kaulbach (1850-1920) – Germania<\/strong>, 1914
\n5. Johannes Gehrts (1855-1921) – Arminius i thot\u00eb lamtumir\u00ebn gruas s\u00eb vet, Thusnelda<\/strong>, 1884
\n6. Nicolas Poussin (1594-1665) – Vdekja e Germanicus<\/strong>, 1627
\n7. Karl von Piloty (1826-1886) – Thusnelda n\u00eb Procesionin Triumfal t\u00eb Germanicus<\/strong>, 1873
\n8. Johann Friedrich Overbeck (1789-1869) – Italia dhe Germania<\/strong>, 1811-28
\n9. Perandoria Romake ~ v. 20<\/strong> (t\u00eb er\u00ebs son\u00eb), ~ rreth vdekjes s\u00eb Germanicus (v. 19) , dhe t\u00eb Arminius (v. 21)<\/p>\n

\"\"<\/a><\/p>\n","protected":false},"excerpt":{"rendered":"

S. Guraziu – Ars Poetica, Qershor 2016 Ne lexuesit e thjesht\u00eb, “johistorian\u00ebt”, kureshtar\u00ebt, q\u00eb ndonj\u00ebher\u00eb zbresim bodrumeve plot pluhur e merimanga t\u00eb historis\u00eb, shpesh gjejm\u00eb gj\u00ebra q\u00eb na b\u00ebjn\u00eb p\u00ebrshtypje, q\u00eb na “intrigojn\u00eb”. S’\u00ebsht\u00eb p\u00ebr t’u \u00e7uditur se dhe lexuesit… Lexo →<\/span><\/a><\/p>\n","protected":false},"author":1,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[10],"tags":[],"class_list":["post-6878","post","type-post","status-publish","format-standard","hentry","category-komente"],"_links":{"self":[{"href":"https:\/\/letrat.eu\/index.php?rest_route=\/wp\/v2\/posts\/6878","targetHints":{"allow":["GET"]}}],"collection":[{"href":"https:\/\/letrat.eu\/index.php?rest_route=\/wp\/v2\/posts"}],"about":[{"href":"https:\/\/letrat.eu\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/letrat.eu\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/letrat.eu\/index.php?rest_route=%2Fwp%2Fv2%2Fcomments&post=6878"}],"version-history":[{"count":0,"href":"https:\/\/letrat.eu\/index.php?rest_route=\/wp\/v2\/posts\/6878\/revisions"}],"wp:attachment":[{"href":"https:\/\/letrat.eu\/index.php?rest_route=%2Fwp%2Fv2%2Fmedia&parent=6878"}],"wp:term":[{"taxonomy":"category","embeddable":true,"href":"https:\/\/letrat.eu\/index.php?rest_route=%2Fwp%2Fv2%2Fcategories&post=6878"},{"taxonomy":"post_tag","embeddable":true,"href":"https:\/\/letrat.eu\/index.php?rest_route=%2Fwp%2Fv2%2Ftags&post=6878"}],"curies":[{"name":"wp","href":"https:\/\/api.w.org\/{rel}","templated":true}]}}