{"id":790,"date":"2019-09-23T16:03:16","date_gmt":"2019-09-23T16:03:16","guid":{"rendered":"https:\/\/www.letrat.eu\/?p=790"},"modified":"2026-04-09T02:41:18","modified_gmt":"2026-04-09T01:41:18","slug":"miriade-yjesh-dhe-buzeqeshjesh-2","status":"publish","type":"post","link":"https:\/\/letrat.eu\/?p=790","title":{"rendered":"Miriad\u00eb Yjesh dhe Buz\u00ebqeshjesh (2)"},"content":{"rendered":"

S. Guraziu, Ars Poetica, J 2015<\/em><\/p>\n

(…disa gj\u00ebra, qofshin n\u00eb shkall\u00eb nanoskopike qofshin mega-problematike (psh. si vrim\u00ebzezat e Hawking : ) un\u00eb i katalogoj n\u00eb mbamendje jo si terma kompleks as si formulacione definitive, por thjesht si “buz\u00ebqeshje” t\u00eb \u00ebmbla. Cilado buz\u00ebqeshje, qoft\u00eb ajnshtaniane qoft\u00eb e lindur n\u00eb kokat tona, mbase na ndihmon ta shohim bot\u00ebn m\u00eb t\u00eb diellosur, m\u00eb t\u00eb arsyeshme, m\u00eb t\u00eb past\u00ebr, m\u00eb t\u00eb ngroht\u00eb, ashtu si\u00e7 \u00ebsht\u00eb dhe vet\u00eb buz\u00ebqeshja<\/strong>…)<\/p>\n

\"\"<\/a><\/p>\n

***
\nK\u00ebsaj radhe pak\u00ebz p\u00ebr mrekullin\u00eb e buz\u00ebqeshjeve t\u00eb Hawking, e kam fjal\u00ebn p\u00ebr fizikanin dhe kozmologun e mir\u00ebnjohur britanik Stephen Hawking.
\nP\u00ebrkund\u00ebr faktit t\u00eb hidhur dhe tragjikes q\u00eb jeta fizike e kufizuar pothuaj vet\u00ebm si “kujtim” – i paralizuar gradualisht p\u00ebrgjat\u00eb dekadash nga nj\u00eb s\u00ebmundje e rrall\u00eb neuronesh, e ashtuquajtur skleroz\u00eb amitropike laterale, ai kurr\u00eb nuk u ndal s\u00eb buz\u00ebqeshuri. M\u00eb kujtohet, para shum\u00eb viteve, ndoshta nj\u00eb dekad\u00eb ka kaluar tashm\u00eb, derisa po p\u00ebrcillja nj\u00eb debat forumistik n\u00eb platform\u00ebn at\u00ebher\u00eb t\u00eb saponisur t\u00eb Yahoo “Ask, Answer, Discover”, n\u00eb nj\u00eb pyetje t\u00eb dikujt pati mjaft replikash e reagimesh, sepse ishte pyetje me “sens” dhe interesante. Kur papritmas, n\u00eb nj\u00eb moment nj\u00eb reagim i dikujt me “Hawking” si em\u00ebr apo nofk\u00eb.
\nNuk ishte p\u00ebr t’u habitur q\u00eb dhe vet\u00eb Hawking at\u00ebbot\u00eb pra ishte duke p\u00ebrcjellur forumin e Yahoo. K\u00ebt\u00eb detaj, ne p\u00ebrcjell\u00ebsit pasiv t\u00eb shkenc\u00ebs, ne q\u00eb s’ishim shkenc\u00ebtar\u00eb por q\u00eb i kishim arsyet tona lidhur me shkenc\u00ebn, e m\u00ebsuam si t\u00eb v\u00ebrtet\u00eb vet\u00ebm pak minuta m\u00eb von\u00eb, kur dikush nga moderator\u00ebt e konfirmoi: “…\u00ebsht\u00eb nder p\u00ebr forumin ton\u00eb q\u00eb vet\u00eb z. Hawking merr pjes\u00eb dhe na p\u00ebrcjell”.<\/p>\n

Cilat jan\u00eb “buz\u00ebqeshjet” e Hawking q\u00eb mua pandalsh\u00ebm ma ngjallin buz\u00ebqeshjen? Jan\u00eb shum\u00eb sosh, por m\u00eb kryesorja k\u00ebtu \u00ebsht\u00eb q\u00eb t\u00eb p\u00ebrmendet p\u00eblhura prej kambriku me t\u00eb cil\u00ebn ai e mb\u00ebshtjell men\u00e7urin\u00eb e vet. Lexuesi tani do ishte mir\u00eb t\u00eb buz\u00ebqesh sadopak, sepse me “p\u00eblhur\u00ebn e kambrikut” n\u00ebnkuptoj “Zotin” shkencor t\u00eb Hawking… dhe hoooop pastaj pendimin dhe kthimin n\u00eb “Ateizmin” shkencor. Tutje me “p\u00eblhur\u00ebn e kambrikut” n\u00ebnkuptoj ikjen e tij diku sa m\u00eb larg, p\u00ebr t\u00eb buz\u00ebqeshur. Ikjen atje ku s’ka ku m\u00eb larg, n\u00eb territoret e tejskajshme t\u00eb shkenc\u00ebs, n\u00eb humbellat e zeza dhe zgafellat shkencore t\u00eb “event horizon” … q\u00eb akoma s’jan\u00eb “terra-formuar” si shkenc\u00eb e mir\u00ebfillt\u00eb, pa le t\u00eb shkilen.<\/p>\n

Pse them “ikje larg”? Sepse s’kam harruar as buz\u00ebqeshjen e dikurshme t\u00eb Platonit, ai pati th\u00ebn\u00eb q\u00eb “shkenca s’\u00ebsht\u00eb di\u00e7 m\u00eb shum\u00eb por p\u00ebrceptim”. K\u00ebshtu, n\u00eb vend q\u00eb Hawking t’na e sqaronte ndonj\u00eb gj\u00eb t\u00eb af\u00ebrt shkencore, ndonj\u00eb gj\u00eb t\u00eb shkenc\u00ebs tok\u00ebsore – ka aq shum\u00eb problemesh t\u00eb vockla, pothuaj t\u00eb panum\u00ebrta, q\u00eb shkenca nuk i di (psh. t\u00eb tilla q\u00eb pyeste dhe vet\u00eb Ajnshtajni “vall\u00eb si funksionon dashuria e par\u00eb”)… – ai shkon dhe na flet p\u00ebr “rrezatimin e vrimave t\u00eb zeza”! Ec e mos buz\u00ebqesh.<\/p>\n

Ja pra ai velo i bardh\u00eb prej kambriku. Shih sa i men\u00e7ur \u00ebsht\u00eb Hawking, na flet p\u00ebr di\u00e7 q\u00eb as vet\u00eb Zoti s’mund ta v\u00ebrtetoj\u00eb, sepse ndoshta atij as q\u00eb i intereson. Vrim\u00ebzezat fare leht\u00eb mund t\u00eb jen\u00eb gj\u00ebra t\u00eb “shport\u00ebs s\u00eb tij t\u00eb mbeturinave”. Pse them k\u00ebshtu, \u00e7far\u00eb na duhet nj\u00eb “shport\u00eb mbeturinash” p\u00ebr Zotin e “tradhtuar” nga Hawking, ose e shtruar pyetja m\u00eb mir\u00eb ndoshta do ishte: \u00e7far\u00eb i duhet vet\u00eb Zotit nj\u00eb “shport\u00eb mbeturinash”?
\nNatyrisht, asgj\u00eb, por thjesht sa p\u00ebr nj\u00eb buz\u00ebqeshje eventuale t\u00eb lexuesit… lidhur me buzeqeshjen e “larg\u00ebt” t\u00eb Hawking.<\/p>\n

Hawking na flet p\u00ebr “vrimat e zeza” kozmike q\u00eb jan\u00eb thjesht nj\u00eb supozim i definuar matematikisht i “koh\u00eb-hap\u00ebsir\u00ebs” ajnshtaniane. “Vrima” t\u00eb armatosura me fusha aq t\u00eb forta gravitacionale, aq sa… ak\u00ebcila grimc\u00eb e materies s\u00eb universit q\u00eb e njohim s’mund t’i shp\u00ebtoj\u00eb, asgj\u00eb s’mund t\u00eb shmanget pa u kullufitur nga ajo. Jo vet\u00ebm as vet\u00eb “gravitoni” hipotetik, kurr\u00eb i zbuluar ( i cili pra shkakton vet\u00eb gravitacionin e k\u00ebsaj vrim\u00ebzeze p\u00ebr t\u00eb cilin po flasim, dhe sipas meje pik\u00ebrisht ky \u00ebsht\u00eb “absurdi”), por kuptohet as grimcat sub-atomike “standarde”; t\u00eb gjitha nuancat e kuarkeve, t\u00eb gjitha tipet leptonike q\u00eb nga elektroni i pafajsh\u00ebm, grimcat neutrino, muonet… dhe tutje t\u00eb gjitha “krijesat” bosonike, inkluzivisht fotoni i pafajsh\u00ebm i drit\u00ebs, e madje dhe grimca m\u00eb foshnjarake, grimca m\u00eb “newborn” e shkenc\u00ebs sub-atomike, bosoni i Higgs, i zbuluar vet\u00ebm pak koh\u00eb m\u00eb par\u00eb n\u00eb tunelet hadronike t\u00eb LHC (Cern)!<\/p>\n

E v\u00ebrtet\u00eb q\u00eb Teoria e P\u00ebrgjithshme e Relativitetit parashikon q\u00eb nj\u00eb mas\u00eb jasht\u00ebzakonisht e dendur-kompakte mund ta shtremb\u00ebroj\u00eb at\u00eb “space-time” ajnshtajniane… dhe ku pastaj formohet nj\u00eb vrim\u00eb e zez\u00eb. Sipas teoris\u00eb kjo ndodh\u00eb kur nj\u00eb yll masiv vdes, ylli vdekatar e l\u00eb pas nj\u00eb mbeturin\u00eb prej b\u00ebrthame t\u00eb superngjeshur. N\u00ebse masa e k\u00ebsaj b\u00ebrthame \u00ebsht\u00eb rreth tre her\u00eb m\u00eb e madhe se masa e Diellit ton\u00eb, ekuacionet e Ajnshtajnit tregojn\u00eb matematikisht se forca e gravitetit i pushton-okupon t\u00eb gjitha forcat e tjera dhe hooooop lind nj\u00eb “vrim\u00eb e zez\u00eb”.<\/p>\n

T\u00eb gjitha k\u00ebto jan\u00eb relativisht n\u00eb rregull, por realisht s’jan\u00eb di\u00e7 m\u00eb shum\u00eb sesa teori, dhe at\u00eb teori “relative”. Asgj\u00eb s’kemi v\u00ebrtetuar, madje akoma s’e kemi zbuluar as “gravitonin”… Ne jemi duke spekuluar p\u00ebr gravitacionin q\u00eb nga… Njutni e deri dhe sot e k\u00ebsaj dite… tek Hawking. N\u00eb fakt, s’\u00ebsht\u00eb aspak e tepruar t\u00eb thuhet, shkenca as iden\u00eb nuk e ka se p\u00ebr \u00e7far\u00eb \u00ebsht\u00eb fjala.
\nN\u00ebse t\u00eb duhej sa m\u00eb shkurt e tro\u00e7, at\u00ebher\u00eb sikur do t’na imponohej konkluzioni: e gjitha \u00e7far\u00eb dim\u00eb p\u00ebr gravitacionin \u00ebsht\u00eb se ai \u00ebsht\u00eb “t\u00ebrheq\u00ebs”, kaq : ) Gravitacionit i fal\u00ebnderohemi q\u00eb moll\u00ebt bien n\u00eb tok\u00eb, e nuk na ikin n\u00eb stratosfer\u00eb, i fal\u00ebnderohemi q\u00eb Sistemi yn\u00eb Diellor funsksionon dhe ne jemi k\u00ebtu ku jemi. Dhe tutje planetet e yjet brenda nj\u00eb galaktike rrin\u00eb urt e v\u00ebrtiten aty ku iu takon, nuk bredhin pa bisht e pa kok\u00eb sipas zig-zageve kaotike etj. I gjith\u00eb kozmosi k\u00ebshtu funksionon.<\/p>\n

Me gjuh\u00ebn e “vog\u00ebl” t\u00eb faktit lirisht mund t\u00eb thuhet: s’ka shkenc\u00ebtar t\u00eb k\u00ebsaj bote q\u00eb di di\u00e7 m\u00eb shum\u00eb se kaq p\u00ebr Gravitacionin… T\u00eb kuptohemi, nuk thash\u00eb q\u00eb nuk ka teori e ide, i kemi me miliona sosh… panum\u00ebr teori, supozime, spekulime etj. Bie fjala, spekulohet se t\u00eb gjitha fajet p\u00ebr “t\u00ebrheqjen” i ka grimca sub-atomike q\u00eb akoma nuk e kemi zbuluar, por ama emrin ia kemi b\u00ebr\u00eb gati, Graviton!
\nBuz\u00ebqeshje pra… sepse do hynim n\u00eb hak t\u00eb nj\u00eb grimce tjet\u00ebr, bosoni i Higgs-it s’kishte fare em\u00ebr, mjaft gjat\u00eb e kemi pritur dhe zbulimin e k\u00ebsaj grimce, sa q\u00eb kur e zbuluam… i tham\u00eb thjesht ti je boson i “paem\u00ebr” por ama ti je grimca e Higgs, t\u00eb duam… dhe gjith\u00eb shkenc\u00ebtar\u00ebt e k\u00ebsaj bote u p\u00ebrloten nga mall\u00ebngjimi, njer\u00ebzia renden p\u00ebr ta p\u00ebrqafuar e p\u00ebr t’ia gudulisur gush\u00ebn foshnjore grimc\u00ebs “newborn”.<\/p>\n

Aq shum\u00eb dim\u00eb p\u00ebr “vrim\u00ebzezat”, sa lexuesi le ta merr me mend dhe vet\u00eb, megjithat\u00eb ja dhe pak\u00ebz ndihm\u00eb. Jo m\u00eb larg por vet\u00ebm disa muaj m\u00eb her\u00ebt nj\u00eb artikull i publikuar n\u00eb “science.nasa.gov” ia fillonte k\u00ebshtu:
\n“Mos lejoni q\u00eb emri t’ju mashtroj\u00eb, q\u00eb gjoja nj\u00eb vrim\u00eb e zez\u00eb \u00ebsht\u00eb ndonj\u00eb hap\u00ebsir\u00eb boshe, e zbraz\u00ebt (dmth. sepse kur themi “vrim\u00eb” at\u00ebher\u00eb pra vrim\u00eb, di\u00e7 e zbraz\u00ebt duhet t\u00eb jet\u00eb, k\u00ebshtu e k\u00ebrkon logjika – sq. i imi). P\u00ebrkundrazi, vazhdonte artikulli – \u00ebsht\u00eb nj\u00eb sasi jasht\u00ebzakonisht e madhe e materies, ngjeshur n\u00eb nj\u00eb pako shum\u00eb t\u00eb vog\u00ebl – imagjino nj\u00eb yll dhjet\u00eb her\u00eb m\u00eb masiv se Dielli, i ndrydhur n\u00eb nj\u00eb sfer\u00eb p\u00ebraf\u00ebrsisht me diamet\u00ebr sa New York City…”.<\/p>\n

Dhjet\u00eb diej… mrekullia vet\u00eb, kur dihet q\u00eb shkenca t\u00ebr\u00eb koh\u00ebn \u00ebsht\u00eb vet\u00ebm duke spekuluar p\u00ebr Diellin, thua se shkenca ditka aq shum\u00eb p\u00ebr Diellin!
\nN\u00eb nj\u00eb koment timin, nj\u00eb apo dy vite m\u00eb par\u00eb, pata shkruar: “…shkenca \u00ebsht\u00eb e mrekullueshme, na magjeps\u00eb, na mahnit, na huton, na b\u00ebn\u00eb t\u00eb qeshim e ndonj\u00ebher\u00eb ndoshta na b\u00ebn\u00eb dhe “qesharak\u00eb”. \u00cbsht\u00eb \u00e7\u00ebshtje p\u00ebrspektivash mbase… Bie fjala, thua se njeriu ishte aty af\u00ebr si nj\u00eb Atlas muskuloz dhe e ka matur n\u00eb peshore Diellin (ndonj\u00eb peshore me sakt\u00ebsi t\u00eb or\u00ebs atomike duhet t\u00eb ket\u00eb qen\u00eb). P.sh. shkenca thot\u00eb: ylli yn\u00eb Dielli “leht\u00ebsohet” gjat\u00eb nj\u00eb sekonde t\u00eb vetme p\u00ebr rreth 4 miliard\u00eb kilogram. Uaaaaa, vet\u00eb N\u00ebna e Sakt\u00ebsive t\u00eb Universit, prej nga nj\u00eb sakt\u00ebsi aq precize p\u00ebr nj\u00eb mas\u00eb aq marramend\u00ebse, t\u00eb pakap\u00ebrthyeshme – e cila mas\u00eb thjesht e “\u00e7orodit” secilin instrument t\u00eb mundsh\u00ebm t\u00eb bot\u00ebve, qoft\u00eb dhe di\u00e7 grandioze si instrument me p\u00ebrmasat e nj\u00eb planeti. Masat yjore sikur do ta \u00e7orodisnin \u00e7do gj\u00eb, secilin instrument tok\u00ebsor p\u00ebrve\u00e7 atij t\u00eb arsyes!<\/p>\n

Pra, n\u00ebse bota shkencore di aq shum\u00eb p\u00ebr “vrim\u00ebzezat” pse pra “Science-NASA” t\u00eb brengoset se shkenc\u00ebtar\u00ebt mund t\u00eb ngat\u00ebrrohen dhe t’i marrin si “vrima boshe”! Hm.<\/p>\n

Dhe dmth. ec e mos buz\u00ebqesh me buz\u00ebqeshjet e Hawking, me ikjen e tij aq laaaarg p\u00ebr t\u00eb buz\u00ebqeshur, thua se s’kishte ku m\u00eb af\u00ebr!
\nNj\u00eb buz\u00ebqeshje tjet\u00ebr simpatike e tij \u00ebsht\u00eb dhe ajo rreth “vertikales” s\u00eb diagramit t\u00eb Koh\u00ebs. Pra te k\u00ebsaj koh\u00ebs (q\u00eb nuk e kemi iden\u00eb se \u00e7far\u00eb \u00ebsht\u00eb – por q\u00eb e shoh se duhet ta mbyll k\u00ebt\u00eb shkrim : ) dhe asaj koh\u00ebs q\u00eb psh. Ajnshtajni e konsideron si “dimension”, dhe e lidh me dimensionin tjet\u00ebr, hap\u00ebsir\u00ebn p\u00ebr t\u00eb patur “koh\u00eb-hap\u00ebsir\u00ebn”… Hawking ia shton kohes dhe nj\u00eb ekstra-dimension, sipas tij koha nuk rrjedh vet\u00ebm, ta z\u00ebm\u00eb “majtas-djathtas” por edhe “posht\u00eb-lart (ose lart-posht\u00eb)…<\/p>\n

Ngush\u00ebllimi i vet\u00ebm mbase mund t\u00eb jet\u00eb q\u00eb Hawking megjithat\u00eb kohen e la “2-dimensionale” (si vizatimi “vitruvian” i da Vin\u00e7it) nuk e b\u00ebri 3-d. P\u00ebrndryshe, sot padyshim do ta kisha shpikur dhe patentuar nj\u00eb giroskop kohor 3-dimensional… nj\u00eb “time machine” p\u00ebr t\u00eb udh\u00ebtuar n\u00ebp\u00ebr koh\u00eb, e jo vet\u00ebm p\u00ebr t’u v\u00ebrtitur n\u00eb vend… brenda kupol\u00ebs observatorike.
\nAshtu, mbase n\u00eb cil\u00ebndo dat\u00eb historike personale do ikja tani, ku di un\u00eb… ndoshta n\u00eb datat djaloshare, n\u00eb dat\u00ebn e “puthjes s\u00eb par\u00eb”, apo t\u00eb “p\u00ebrqafimit…” e k\u00ebshtu me radh\u00eb.<\/p>\n

Prandaj disa gj\u00ebra, qofshin n\u00eb shkall\u00eb nanoskopike qofshin mega-problematie (psh. si vrim\u00ebzezat e Hawking : ) un\u00eb i katalogoj n\u00eb mbamendje jo si terma kompleks as si formulacione definitive, por thjesht si “buz\u00ebqeshje” t\u00eb \u00ebmbla. Cilado buz\u00ebqeshje, qoft\u00eb ajnshtaniane qoft\u00eb e lindur n\u00eb kokat tona, mbase na ndihmon ta shohim bot\u00ebn m\u00eb t\u00eb diellosur, m\u00eb t\u00eb arsyeshme, m\u00eb t\u00eb past\u00ebr, m\u00eb t\u00eb ngroht\u00eb, ashtu si\u00e7 \u00ebsht\u00eb dhe vet\u00eb buz\u00ebqeshja.<\/p>\n","protected":false},"excerpt":{"rendered":"

S. Guraziu, Ars Poetica, J 2015 (…disa gj\u00ebra, qofshin n\u00eb shkall\u00eb nanoskopike qofshin mega-problematike (psh. si vrim\u00ebzezat e Hawking : ) un\u00eb i katalogoj n\u00eb mbamendje jo si terma kompleks as si formulacione definitive, por thjesht si “buz\u00ebqeshje” t\u00eb \u00ebmbla.… Lexo →<\/span><\/a><\/p>\n","protected":false},"author":1,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[10],"tags":[],"class_list":["post-790","post","type-post","status-publish","format-standard","hentry","category-komente"],"_links":{"self":[{"href":"https:\/\/letrat.eu\/index.php?rest_route=\/wp\/v2\/posts\/790","targetHints":{"allow":["GET"]}}],"collection":[{"href":"https:\/\/letrat.eu\/index.php?rest_route=\/wp\/v2\/posts"}],"about":[{"href":"https:\/\/letrat.eu\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/letrat.eu\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/letrat.eu\/index.php?rest_route=%2Fwp%2Fv2%2Fcomments&post=790"}],"version-history":[{"count":0,"href":"https:\/\/letrat.eu\/index.php?rest_route=\/wp\/v2\/posts\/790\/revisions"}],"wp:attachment":[{"href":"https:\/\/letrat.eu\/index.php?rest_route=%2Fwp%2Fv2%2Fmedia&parent=790"}],"wp:term":[{"taxonomy":"category","embeddable":true,"href":"https:\/\/letrat.eu\/index.php?rest_route=%2Fwp%2Fv2%2Fcategories&post=790"},{"taxonomy":"post_tag","embeddable":true,"href":"https:\/\/letrat.eu\/index.php?rest_route=%2Fwp%2Fv2%2Ftags&post=790"}],"curies":[{"name":"wp","href":"https:\/\/api.w.org\/{rel}","templated":true}]}}