(s. guraziu – ars poetica, gusht 2025)
(Shqipëria solide me 2.6 % inflacion, njësoj si Greqia 2.6 %, dhe si Malta 2.6 %, pak më dobët se Gjermania 2.2 %, Suedia 2.1 %, Norvegjia 2.1 %, Italia 2.0 %)
Në muajin Prill 2025 shkalla e inflacionit në Bashkësinë Evropiane ishte 2.4 %, me çmimet që u rritën më shpejt në Rumani, e cila kishte një shkallë inflacioni prej 4.9 %. Ndërsa gjatë të njëjtës periudhë, Franca dhe Qiproja panë shkallë të ulëta inflacioni, Franca e kishte shkallën më të ulët të inflacionit në BE gjatë Prillit.
Jashtë BE-së, Zvicra kishte vetëm 0.3 % inflacion, ndërsa Turqia 37.9 %.
Përpara këtyre rritjeve të inflacionit (Prill 2025), rritjet e çmimeve në BE qenë mbajtur në nivele relativisht të ulëta, me shkallën e inflacionit që pati ngelur nën 3 % mes Janarit 2012 dhe Gushtit 2021. Gjithsesi, në Tetor 2022 shkalla e inflacionit në BE (9.2%) ishte më e lartë se në çdo kohë tjetër.
Të dhënat publikuar nga Catalina Espinosa, 2 Qershor 2025 / Statista – Notë: për Bosnjen dhe as për Kosovën s’kishte të dhëna të inflacionit, listën e plotësuam me “supozimin” përafërsisht ~3.0 %, duke u bazuar me inflacionin në Shqipëri prej 2.6 % dhe në Maqedoninë Veriore prej 3.5 %
| Vendi | Inflacioni |
|---|---|
| BE | 2.4 % |
| Eurozona | 2.2 % |
 Shqipëria | 2.6 % |
 Kosova | ~3.0 % |
 Austria | 3.3 % |
 Belgjika | 3.1 % |
 Bosnja dhe Hercegovina | ~3.0 % |
 Bullgaria | 2.8 % |
 Danimarka | 1.5 % |
 Estonia | 4.4 % |
 Gjermania | 2.2 % |
 Finlanda | 1.9 % |
 Franca | 0.9 % |
 Greqia | 2.6 % |
 Hungaria | 4.2 % |
 Islanda | 3.9 % |
 Irlanda | 2 % |
 Italia | 2 % |
 Kroacia | 4.0 % |
 Lituania | 3.6 % |
 Luksemburgu | 1.7 % |
 Letonia | 4.0 % |
 Malta | 2.6 % |
 Mali i Zi | 3.8 % |
 Moldavia | 1.34 % |
| Qiproja | 1.4 % |
 Polonia | 3.7 % |
 Portugalia | 2.1 % |
 Republika Çeke | 1.7 % |
 Rumania | 4.9 % |
 Holanda | 4.1 % |
 Maqedonia Veriore | 3.5 % |
 Mbretëria e Bashkuar | 4.1 % |
 Norvegjia | 2.1 % |
 Sllovakia | 3.9 % |
 Sllovenia | 2.3 % |
 Serbia | 4.1 % |
 Spanja | 2.2 % |
 Suedia | 2.1 % |
 Turqia | 37.9 % |
 Zvicra | 0.3 % |
[ Pak histori rreth inflacionit ]
Gjatë v. 2024 normat më të larta vjetore të inflacionit (në shtetet anëtare të BE-së) u regjistruan në Rumani (5.8%), Belgjikë (4.3%) dhe Kroaci (4.0%). Rritjet më të larta vjetore të çmimeve në BE u regjistruan për pijet alkoolike dhe për duhanin (rritje prej 5.6%), të nxitura kryesisht nga rritjet për produktet e tjera të duhanit (10.6%), për vetë duhanin (8.0%) dhe për cigaret (7.6%).
Gjatë dekadës së fundit, inflacioni i BE-së filloi në një nivel të ulët prej 0.1% në v. 2015. Pastaj norma mesatare vjetore e inflacionit u rrit në vitin 2016 (0.2%), 2017 (1.7%) dhe 2018 (1.9%). Norma më pas u ul në 1.5% në v. 2019 dhe ra ndjeshëm në 0.7% në v. 2020 nën ndikimin e masave të COVID-19. Inflacioni u rrit ndjeshëm në 2.9% në v. 2021, duke arritur një nivel historik prej 9.2% në v. 2022. Kjo normë u ul në v. 2023, por mbeti mbi nivelin e v. 2021 në 6.4%. Në vitin 2024 norma vjetore e inflacionit u ul përsëri në 2.6%.
Ndër shtetet anëtare të BE-së, Hungaria (66.6%), Estonia (55.1%) dhe Çekia (51.9%) i regjistruan rritjet më të larta të përgjithshme të IHÇK* mes viteve 2015-2024. Ndërsa Qiproja gjatë të njëjtës periudhë e kishte rritjen më të ulët të përgjithshme të IHÇK (17.1%).
Në v. 2024 çmimet e konsumit u rritën deri në 5.8% në Rumani. Rritjet e tjera më të larta u regjistruan në Belgjikë (4.3%) dhe Kroaci (4.0%). Ndërsa normat më të ulëta mesatare vjetore të inflacionit në v. 2024 u regjistruan në Lituani (0.9%), Finlandë (1.0%) dhe Itali (1.1%).
Parë në shkallën globale, ndryshimi i përgjithshëm në BE gjatë periudhës 2015-2024 ishte 30.2%, ose një mesatare vjetore prej 3.0%. Ndryshimet e çmimeve në Japoni ishin përgjithësisht më të ulëta se në BE, ndërsa ndryshimet ishin përgjithësisht më të larta në ShBA dhe Kinë në periudhën 2015-2020. Gjatë periudhës 2015-2024, çmimet e konsumit u rritën me një mesatare vjetore prej 1.1% në Japoni, 3.2% në ShBA dhe 1.6% në Kinë.
(referencat: eurostat)
* IHÇK është një tregues kyç për Bankën Qendrore Evropiane (BQE), indeks për ta vlerësuar stabilitetin e çmimeve. Indeksi prodhohet nga Eurostat dhe është thelbësor për krahasimin e normave të inflacionit në shtetet anëtare të BE-së. Pra Indeksi i Harmonizuar i Çmimeve të Konsumatorit (IHÇK) është masë e inflacionit në BE që pasqyron ndryshimet me kalimin e kohës në çmimet e paguara nga familjet për një shportë përfaqësuese mallrash dhe shërbimesh. Indeksi përpilohet duke përdorur koncepte, metoda dhe procedura të harmonizuara në të gjitha vendet e BE-së.