Për disa njerëz politika është “jetë” (Koment shaka-logjik : )

…për disa njerëz politika është mënyrë e të jetuarit, politika është “jetë”, për ta jeta do t’thotë “politikë” (dhe, ose anasjelltas), ambiciet dhe egocentrikat e tyre janë njësoj si kravatat (lidhëzat) politike, njësoj si kostumet e Ramës të “qepura” dhe stilizuar për axhendat politike, sipas tyre ndjekja e një jete të tillë është aq e lehtë si ngasja e biçikletës, tingëllon saktësisht njësoj si ajo thënia e Ajnshtajnit “jeta është pakashumë si biçikleta, në mënyrë që ta mbash ekuilibrin duhet të vazhdosh me pedalimin”, megjithatë mendoj se… (anise biçiklizmi i tyre ndoshta vërtet është njësoj si dhe thënia ajnshtaniane) megjithatë ndoshta biçikletat e tyre janë prore në zjarr, ata vetë janë vazhdimisht në zjarr, gjithçka rreth e rrotull tyre është në zjarr… dhe ata janë duke spiraluar unazave “infernale” të Dantes, kështu që një ditë ndoshta do t’jenë diç si “engjëj të rrëzuar” të pafajësisë… nga biçikleta dhe “yrysh” tatpjetës duke u rrokullisur si kungujt në ferr 🙂

(info shtesë: komenti erdhi si frymëzim solidarizues me një deklaratë të z. Kurtit (Albinit), pasi lexova një titull i cili thoshte ka deklaruar se “…jetuaka në një banesë prej 60m2 dhe se NUK ka ambicie për t’u pasuruar” – ja, thashë mëvete, ja një engjëll i pafajshëm i politikës, e sheh… z. Kurti s’ka “mentalitet oligarkik”, ai Edi-Ramushi i shqiptarëve dhe Ramushat e tjerë të politikës janë fare diç tjetër, ama jeta politike e z. Kurtit s’ka t’bëjë me “business-at” e me dallaveret, jeta për të është thjesht politikë e kulluar 🙂
(sguraziu – ap, k 2020)