John William Waterhouse (1849-1917) – Penelopa dhe vardisësit e saj, 1912
(s.guraziu – ars poetica, 2019 – art klasik – kur është në pyetje “dashuria” njerëzit dinë t’jenë fort të bezdisshëm – paskam shkruar : )
…piktura e kryemjeshtrit Waterhouse ndoshta më së bukuri e kapërthen gjithë “problematikën” e vështirësive të dashurisë, meqë kur është në pyetje “dashuria” njerëzit dinë t’jenë fort të bezdisshëm, e sidomos nëse s’ia dalin ta “kuptojnë” ç’është dashuria e vërtetë…
…Penelopa s’e kishte asfare lehtë, kishin kaluar aq shumë vite (20 vite) dhe Odiseu assesi të kthehej, njerëzia patën filluar ta konsideronin të vdekur, kështu që i vardiseshin shumë burra – nga Homeri (në odiseadën epike) vardisësit nuk permenden me emra , por në “Biblioteken” e Pseudo-Apollodorusit përmenden emrat e 129 vardisësve, pra e qartë, mbi 100 burra aspironin ta fitonin dorën e saj – sidoqoftë të gjitha lutjet e lulet e tyre kot, Penelopa kurrë s’do pranonte, ajo kurrë nuk hoqi dorë nga Odiseu, edhe përkundër sfidave, kurrë s’do ta tradhtonte – më në fund kur Odiseu qe kthyer, me ndihmën e djalit të vet, tashmë të rritur, Telemakut, do t’i vriste të gjithë ata që ia kishin “mërzitur” gruan…