Lieke Marsman – “Dichter des Vaderlands” (Poet i Atdheut), Holandë

Lieke Marsman – “Dichter des Vaderlands” (Poet i Atdheut), Holandë

(sg – ap, qershor 2021)

Në Greqinë e lashtë me degëza dafinash (laurus nobilis) thurej një kurorë me të cilën kurorëzoheshin, nderoheshin poetët dhe heronjtë. Ky zakon qe berë traditë, bazuar në mitin e lashtë të Dafinës dhe Apollonit.
Në kohën tonë, “Poet Laureat” është një poet i cili nderohet zyrtarisht nga një qeveri (ose nga një institucion akordues i shtetit), dhe nga i cili poet zakonisht pritet të shkruajë poezi për ngjarje dhe raste të veçanta lidhur me atdheun e vet.

Nderimi i madh “Poeta Laureatus”, në Holandë quhet “Dichter des Vaderlands” (Poet i Atdheut), “laureati” zgjedhet çdo 2 vite, ky nderim praktikohet që nga v. 2000, për periudhën 2021-2022 qe zgjedhur poetja Lieke Marsman (para saj ishin poetët Tsead Bruinja, Ester Naomi Perquin, Anne Vegter, Ramsey Nasr, Driek van Wissen, Simon Vinkenoog dhe Gerrit Komrij).

Një formë identike sa i përket funksionit “Poeta Laureatus” e kanë Britania e Madhe, ShBA dhe shtete të tjera. Në ShBA psh. ky nderim ekziston që nga v. 1937, një “poet laureate” është Poet konsulltues për Poezinë pranë Bibliotekës së Kongresit.
Në Britaninë e Madhe “lauretizmi” e mori statusin zyrtar mbretëror që në v. 1668.

(Fotoja e poetes Lieke Marsman: Merlijn Doomernik, 2020)