Pirandello – Mund t’i ëndërrosh gratë ama dhe vetë gratë u ngjajnë ëndrrave!

[ mund t’i ëndërrosh gratë… ama dhe vetë gratë u ngjajnë ëndrrave : ) ]

Luigi Pirandello (1867-1936) – Çmimi Nobel për Letërsi, 1934 – në foto: Pirandello, dhe Ajnshtajni në v. 1935

“…dashuria ime e vërtetë gjithmonë ka qenë gjumi që më shpëtonte, duke ma lejuar të ëndërroj” – pati thënë Pirandello – e qartë se gjumi dhe ëndrrat ia sillnin “shpëtimin”, se çfarë do ketë ëndërruar nobelisti i letërsisë s’kemi si ta dimë, por dihet se ai dikur i adhuronte fashistët, më vonë sikur qe zhgënjyer nga “absurditeti” i politikave dhe secilën herë e më tepër thuase do merrej me “psiko-analitikat” (se si më bëhet por padyshim do e ketë lexuar dhe “Interpretimin e Ëndrrave” të Frojdit, i sigurt s’jam, natyrisht, por)…
…më vonë pati deklaruar se “është apolitik”, se nuk i interesojnë politikat, mirëpo dihet që i pati shfrytëzuar shumë “favore e beneficione miqësore” nga Musolini, nëse s’gabohem madje dhe Nobeli i pati “ardhur” pas nominimit nga qarqet e larta akademike pro-fashiste, atëbotë nga pro-fashistët e kulturës italiane librat e tij qenë promovuar gjithandej nëpër botë, thuhet madje se dhe medaljen e Nobelit do ia dhuronte qeverisë fashiste (që të shkrihej e të shfrytëzohej për financimin e kampanjës ushtarake rreth okupimit të Etiopisë, 2-3 vite më vonë do ishte e “njëjta” Itali fashiste që do ta pushtonte dhe Shqipërinë)…
…kuptohet, s’kemi si ta dimë se çfarë do ketë ëndërruar Pirandello, gjithsesi njëherë tjetër qe shprehur se “gratë u ngjajnë ëndrrave, kurrë s’janë ashtu siç do doje të ishin” – pra aty-këtu copëza ëndrrash të shkrimtarëve na shpalosen nëpër shkrimet e tyre, tërthorazi na bëhet e “ditur” se Pirandello medoemos do i ketë ëndërruar dhe gratë ndonjëherë… : )
…shkurt e troç ia vlen të shkrujmë, mos t’ju duket “humbje kohe”, jo bash gjithkush do nderohet me Nobela por mos u zhgënjeni, mos u brengosni nëse t’mos keni lexues në Fb e në “social-izmat” internetike, thjesht kujtohuni për “ngushëllimin” oniristik, ata që merren me shkrime e kanë sadopak të sigurt që ndonjë detaj i ëndrrave të tyre megjithatë mbijeton, regjistrohet diku në arkivat oniristike të kohës : )

(sguraziu – ap, k 2021)