[ sg – fbook, febr 10, 2019 ]
Hipolita në mit. greke ishte mbretëresha e Amazonave, babai i saj Aresi (më sherraxhiu nga i gjithë panteoni i perëndive mitologjike, madje ishte vetë Zoti i Luftës) ia pati dhuruar një rrip magjik (brezore). Në mitet herkulesiane, rripi i Hipolitasë ishte “detyra e nëntë” e Herkulesit (duhej t’ia merrte disi, o ta mashtronte o ta hipnotizonte me sharmin e vet – nëse ajo ia pati dorëzuar rripin vullnetarisht apo nëse Herkulesi ia pati marrë me zor… këtë detaj mitologjia nuk e ka aq të “mprehtë” – pjesa dërrmuese e versioneve thonë se ia pati dhënë rripin vetë, madje me dëshirë…
Natyrisht ka mjaft versione e supozime, mitologjikat rreth-e-rrotull saj janë mjaft të lloj-llojshme, kështu që nuk përjashhtohet mundësia të kishte disa “Hipolita” të ndryshme. Mirëpo si figurë e mitologjisë greke Hipolita shquhet dukshëm në mitet e Herkulesit dhe të Teseusit. Sa për këtë të fundit (edhe ky shok i Herkulesit), versione mitologjike thonë se Hipolita madje qe martuar me të, duke u bërë amazona e vetme në gjithë mitologjinë + historinë që të martohej me një burrë.
Fotot:
* Në pop-kulturën amerikane, si karakter i strip-librave, Diana ishte diç si një “grua magjike”, ishte dhe vajza e Hipolitasë, andaj sëfundi e patëm filmin “Wonder Woman”, 2017, ku Hipolita thjesht e “luan” rolin e vet (dmth. rishtas si mbretëreshë e amazonave – karakter i luajtur nga aktorja daneze Connie Nielsen)
* Një skulpturë e dylltë e Hipolitasë (në Samsun, Turqi – qytet ku Ataturku psh. e pati “nisur” revolucionin e vet patriotik)
