PF – Korrupsioni në Kosovë duhet të legalizohet!

(nga programi i PF të Kosovës, 2013)

asfare mirë, kaluan 5 vjet e korrupsioni ende s’është legalizuar, as nuk u ndërtua një Shteg Grand Prix (për garat me Formula 1 : )

Partia e Fortë e Kosovës (Sterke Partij) – Një parti e re, si parti “satirike” politike në Kosovë i matë forcat me elitën politike dhe të dielen merr pjesë në zgjedhjet për “kryebashkiakun” në kryeqytet – shkruante Metro News (e Holandës), më 1 Nëntor 2013
Në programin e Partisë së Fortë çdo gjë vërtitet rreth premtimeve dhe statistikave. Partia dëshiron uljen e normës së divorcit duke mos i lejuar fare martesat. Sëmundjet e rënda do t’jenë të paligjshme, kështu që vetvetiu do ketë më pak sëmundje. Korrupsioni duhet të legalizohet në mënyrë që t’mos jetë tutje një problem në vetvete. “Statistikat duhet ta paraqesin situatën ashtu sikur gjoja politika kosovare është fort efikase”, shprehet Visar Arifaj (26), i vetëshpallur “udhëheqës legjendar” i partisë. Ka një palë mustaqe “esnafësh” dhe preferon të fotografohet nga poshtë. Arifaj përshfaq një ngjashmëri të habitshme me Borat-in, tipin satirik të Sasha Baron Cohen.
Nëse Arifaj bëhet kryetar, do ndërtohet një autostradë mes dy lagjeve në Prishtinë, me një tunel mes-përmes Bibliotekës Kombëtare. “Kjo është çfarë njerëzit kanë nevojë, autostrada dhe vende parkimi për veturat”. Çdo gjë e gjelbër në qytet do të zhduket. “Jo se ka shumë për t’bërë në këtë drejtim”, thotë ai. Përveç kësaj partia ka dëshirë të instalojë “shurrëtore” në hyrje të çdo ndërtese publike, dhe të investojë 900 miljonë € në një Shteg Grand Prix (për Formula 1) mes-përmes qytetit.

segura

Leave a Reply

Your email address will not be published.