Adam Zagajewski – Gjatë Rrugës

Adam Zagajewski

GJATË RRUGËS
Adam Zagajewski [ 1945, Poloni ]

1. Pa bagazh
Pa valixhe të udhëtosh, të kotesh në tren
në një stol të fortë druri,
ta harrosh vendlindjen,
të shfaqesh stacioneve të vogla
ku qielli gri rritet
dhe anije peshkimi ia mësyjnë detit.

2. Në Belgjikë
Rigonte në Belgjikë
dhe lumi si një plagë mes kodrash.
Sa i papërkryer që jam, mendova.
Pemët ishin ulur livadheve
si priftërinj me veladonë të gjelbër.
Tetori sikur fshihej në rroba zije.
Jo, zonjë, i thashë,
kjo është kupe ku nuk flitet.

3. Një skifter qarkon mbi autostradë
Do zhgënjehej rëndë nëse të sulet poshtë
në llamarinë veturash, në gaz,
në një kasetë të muzikës vulgare,
në zemrat tona të ngushta.

4. Mont Blanc
Shkëlqen nga larg, i bardhë dhe kujdesshëm,
si një fanar për hijet.

5. Segesta
Në lëndinë një tempull i madh
një kafshë e egër
hapur për qiellin.

6. Vera
Vera ishte gjigante, triumfuese –
dhe makina jonë e vogël dukej e humbur
rrugës për në Verdun.

7. Stacioni në Bytom
Në tunelin nëntokësor
bishta cigaresh rriten,
jo margarita.
Kundërmon vetmia.

| – – – vijon